தமிழ் மொழி வரலாறு

70

தொல்காப்பியப் பொருளதிகார இறுதியில் உள்ள மரபியலில் ‘பிள்ளை’ என்ற சொல் ‘குழந்தையை’க் குறிக்க ஒரு பொழுதும் வழங்காது எனக் கூறப்படுகிறது.⁸ ஆனால் பொருளதிகாரப் புறத்திணை இயலில் ‘பிள்ளை’ என்ற சொல் ‘குழந்தையை’க் குறிக்க வழங்குகிறது.⁹ மரபியலில் வரும் சில நூற்பாக்கள் செய்யுளில் ‘நூல்’ பற்றிக் கூறப்பட்டவைகளின் தேவையற்ற ‘விரிவே’ ஆகும். இந்நூற்பாக்கள் பிற்காலத்தில் சேர்க்கப்பட்டவையாக இருக்க வேண்டும்.

பல்வேறு அடுக்குகள் - இவற்றுள் பெரும்பகுதி பண்டைக் காலத்ததே

எனவே தொல்காப்பியத்துக்குள்ளேயே உள்ள பழைய வழக்கையும், பின்னைய வழக்கையும் பிரித்தறிய வேண்டும். எந்தெந்த விதிகள் விளக்கங்கள் முற்பட்டவை அல்லது சமகாலச் சான்றோர்களிடமிருந்து பெறப்பட்டவை, எவை முதன்முதலாகக் கூறப்பட்டவை என்பவற்றைத் தொல்காப்பிய நூற்பாக்களே வேறுபடுத்துகின்றன.¹⁰ இவை தொல்காப்பியர் காலத்துக்கு