938. (இ-ள்.) முந்தை.......வேய் - பழைமையாகிய இசை (க்கலை)
வேத நூல்களில் மொழிந்த மரபின் முறைப்படி எழுந்து வளர்ந்த மூங்கிலில்;
அந்தம் - நுனியில்; நால் (இல்) - நான்கு பங்கிலும்; முதல் (இல்) - அடியில்;
இரண்டில் - இரண்டு பங்கிலும்; அரிந்து - அரிந்து, இடைப்பட்ட பாகத்தை
எடுத்து; நரம்பு....ஆக்கி - சுரங்கள் எழும் தானங்களின் வந்த துளைகளின்
வரிசையைச் செய்து; முதல் வாயு வழங்குதுளை - முதலில் காற்று
உண்டாக்கும் துளையையும்; அந்தமில்........அமைத்து - கேடில்லாத
சிறப்பினையுடைய இடைவெளி ஒவ்வோர் அங்குல அளவில் துளைகள்
செய்து, 13

     939. (இ-ள்.) வெளிப்படை. இவ்வாறு எடுக்கப்பட்ட வேய்ங்குழலாகிய
துளையிசைக் கருவியில் எமது பெருமானுடைய திருவைந்தெழுத்தினையும்
தொடுத்தமுறையில் வரும் ஏழிசைகளினுடைய சுருதி பெறும்படி வாசித்து,
அதனால் வேறு வழியிற் செல்லாமல் இசையினாற்றடுக்கப்பட்ட சராசரங்கள்
எல்லாமும் பொருந்த வரும் தமது கருணையுடன் கூடிய இசையமுதத்தினை
அளித்து செல்கின்றாராகியவர் (கோவலனார் - 943) அங்கோர் நாளில், 14

     940. (இ-ள்.) வாசமலர்ப்பிணை பொங்க - மணமுடைய மலர் மாலை
விளங்கிக்காட்ட; மயிர்நுழுதி....சிகழிகையில் - மயிரைக்கோதிப் பக்கத்தில்
மேலுயரும்படி விளக்கமாக எடுத்து முடித்த சிகழிகையில்; செறி......செருகி -
நெருங்கக் கட்டிய கண்ணிமாலையைச் செருகி; பாசிலை......புனைந்து - பசிய
இலையுடைய மெல்லிய கொடிகளாலாகிய வடத்தில் நறுவிலியைப் புனைந்து;
காசறு...கட்டி - பொன் காசுகள் கட்டிய கயிற்றினால் கரிய மயிர் முடியின்
புறத்தினைக்கட்டி, 15

     941. (இ-ள்.) வெண்கோடல்.........தயங்க - வெண்காந்தளின்
இலைச்சுருளிலே பச்சையிதழும் மணமும் உடைய செங்காந்தளின் குளிர்ந்த
அழகிய மலரை