இரண்டாம் காண்டம்:- இப்புராணத்தின் பெரும்புரிவுக ளிரண்டனுள் இரண்டாம் பிரிவு.

     சருக்கம்:- இனி நிறுத்தமுறையானே, ஆறாவதாகத் திருத்தொண்டத் தொகையினுள் "வம்பறா வரிவண்டு" என்று தொடங்கும் திருப்பாட்டிற் றுதிக்கப்பட்ட ஆறு அடியார்களது சரிதம் கூறும் பகுதி. அவர்களாவார் : திருஞான சம்பந்த நாயனார், ஏயர்கோன் கலிக்காம நாயனார், திருமூல நாயனார், தண்டியடிகணாயனார், மூர்க்க நாயனார், சோமாசிமாற நாயனார் என்ற அறுவர்.

     புராணம்:- அச்சருக்கத்தினுள் முதலாவது திருஞானசம்பந்த நாயனாரது சரித வரலாறும் பண்புங் கூறும் பகுதி. இவ்வாற்றான் முதலாவது திருஞான சம்பந்த நாயனார் சரிதங் கூறத் தொடங்குகின்றார்.

     தொகை:-வம்பினிடத்து மாறாதிருக்கும் வரிகளையுடைய வண்டு களுடன் மணம் வீச மலர்த்தும் தேன் பொருந்திய மலராலாகிய நல்ல கொன்றை மாலையை.