அன்றே - அப்பொழுதே; இம்மூன்று நிகழ்ச்சிகளும் அப்போதே ஒருகாலத்து உடன் நிகழ்ந்தன என்க. அசையென்றொ துக்குவாருமுளர்.

     வரும் நாமத்து - பல திருநாமங்களால் என்றுரைப்பாருமுண்டு.

     2518. (இ-ள்.) பொங்கி யெழும்...போற்றெடுப்ப - பெருகி எழுகின்ற திருத்தொண்டர்கள் துதிகளை எடுத்திசைக்கவும்; நாற்றிசையும்...மறைமுழங்க - நான்கு திசைகளிலும் மங்கலவாத்தியங்கள் ஓங்கி இசைக்கவும்; வேதங்களின் ஒலி முழங்கவும்; மழை முழங்கும்...எதிரியம்ப - மேகம்போல முழங்கும் சங்குகளும் படகங்களும் பேரி, தாரை, காளம், தாளம் எனும் இயங்களும் எதிரில் முழங்கவும்; இருவிசும்பு கொடிதூர்ப்ப - பெரிய ஆகாய வெளியைக் கொடிகள் மறைக்கவும்;

     2519. (இ-ள்.) மலர்மாரி...இசைப்ப - மலர்மாரியைப் பொழிந்தும் மங்கல வாழ்த்துக்களை இனிமைபெற இசைத்துக்கொண்டும்; அலர்வாச...தூபமுடன் - மலர்களைப் பெய்த வாசனையுடைய நீர்நிறை குடங்களையும் அழகிய விளக்குக்களையும் தூபங்களுடனே ஏந்தி; நிலைநீடு...நிரைத்து - நிலைகளில் நீண்ட தோரணங்களை வரிசைபெற அமைத்து; அடியார்...கைதொழுவார் - அடியார்கள் எதிர்கொள்ளச் சென்று கலையுடை அந்தி மதியினைச் சூடிய சடையாரது பதிகள் பலவற்றையும் கைதொழுவாராகி.

     இம்மூன்றும் பாட்டுக்களும் தொடர்ந்து ஒரு முடிபுகொண்டன.

     தோன்றலார் - போற்றெடுப்ப...எதிர்கொள்ள - இடம்பலவும் கைதொழுவாராகி - வணங்கிப் - பாடித் - தொழுது அணைந்தார் என்று முடித்துக்கொள்க.