நினைத்தல்; அம் - தொழிற்பெயர் விகுதி; - (3) கடுத்து - கோபித்து; முப்புரந் துகளாகவே சரந்தொடுத்ததுவு ம் என்க; உடுத்ததுவும் முதலியவைஅகத்தியான்பள்ளியான் செய்கை என்க. செய்கை அவாய் நிலையான் வந்தது; மேல்வரும் மூன்று பாட்டுக்களிலும் 8-வது பாட்டிலும் இவ்வாறே கொள்க; - (4) அகத்தியர் இறைவரது திருமணக்கோலங் காண இங்கு வழிபட அவர்க்கு அருளிய சரித வரலாறு குறிக்க. இமவான்மகள் ஒரு பாகம் ஏய்ந்ததுவும் அகத்தியான்பள்ளி யிறைவரது செயல்; 6-வது பாட்டிலும் இவ்வாறே கண்டுகொள்க; - (5) கூர்த்தது - கூர்மை உடையது; - (6) புரிந்ததுவும் - நினைந்ததுவும்; - (7) நீதி - நூல் விதி; - (8) செறுத்தல் - அழித்தல்; இப்பாட்டில் இறைவர்செய்த வீரங்கள்பற்றிப் போற்றப்பட்டது; - (9) சிரம் - நகுதலை; - (10) செத்துவராடையினார் - சிவந்த துவர் தோய்த்த உடையுடையார்; புத்தர்; - (11) ஆலும் - அசையும்; நல்ல - சார்ந்தாரைக் காத்து நன்மை செய்யும்; நல்ல சூலப்படையான் என்க.

     தலவிசேடம் :- அகத்தியான்பள்ளி - காவிரித் தென்கரை 126வது - பதி - இறைவரது மணவாளக்கோலங் காணும்பொருட்டு அகத்தியர் தங்கித் தவஞ்செய்த பதியாதலின் இப்பெயர் பெற்றது. பதிகம் 4, 6 பாட்டுக்களில் இக்குறிப்புக் காண்க; அகத்தியர் பூசித்த தலம்; அவரது திருவுருவம் கோயிலில் அமைத்து வழிபடப் பெறுகின்றது; சுவாமி - அகத்தீசுவரர்; அம்மை - பாகம்பிரியா நாயகி; தீர்த்தம் - அக்கினிதீர்த்தம்; பதிகம் 1.

     இது திருமறைக்காட்டினின்றும் தெற்கே கோடிக்கரை வழியில் 2 நாழிகையளவில் உள்ளது; அகத்தியான்பள்ளி நிலயத்தினின்றும் மேற்கே மணல் வழியில் அரை நாழிகையளவில் உள்ளது.

     திருக்கோடிக்குழகர் - இப்பதிகம் கிடைத்திலது! புராணத்தினுள் பதிகம் அருளியதுபற்றிக் கூறப்படவுமில்லை; 2520 பார்க்க.

     2521. (இ-ள்.) கண்ணார்ந்த...இறைஞ்சி - கண்பொருந்திய திருநுதலையுடைய இறைவர் மகிழ்ந்து வீற்றிருக்கும் திருக்கடிக்குளம் என்னும் பதியினை வணங்கி; எண்ணார்ந்த...எழுந்தருளி - மக்களது எண்ணம் நிறைந்த திருஇடும்பாவனம் என்னும் பதியினையும் ஏத்திச் சென்றருளி; மண்ஆர்ந்த......வணங்கி - இம்மண் உலகத்