| | கால்களும் தடுமாற்றத்தை யடைந்து தள்ளாடியும்; கண்களும் இடமே யாடி - கண்கள் இடப்பக்கத்தே துடித்தும்; அமணர் எல்லாம் - அமணர்களெல்லாம்; மேல் வரும்...காணார - இவற்றால் அறிவிக்கப்படுமாறு பின்னால் உறுதியாகத் தமக்கு வரும் அழிவுக்கு வேறு காரணம் ஒன்றும் தோன்றாதவர்களாகி; மயங்கினர் - மயங்கினார்கள். |
| | (வி-ரை). பீலி - தடுக்கு - பாய் - பீலிக்கற்றைகளைப் பிடித்தலும், தடுக்கினை இடுக்குதலும், பாயினை உடுத்தலும் சமணர் வழக்குக்கள்; பிடித்த கையினின்றும் பீலி வழுவி வீழ்ந்தது; தடுக்கு இடுக்கிய இடத்தினின்றும் வழுவிற்று; உடுத்த இடையினின்றும் பாய் வழுவிற்று. |
| | பீலி பிடித்த கை - என்றதனால் ஏனையவற்றின் இடங்கள் ஏற்புழிக் கோடல் பற்றிக் கொள்ளப்பட்டன. |
| | கால்களும் தடுமாறாடிக் கண்களும் இடமேயாடி - கால்கள் பின்னித் தடுமாறுதலும், (ஆண்மக்களுக்கு) க்களுக்கு இடக்கண் துடித்தலும் தன்னிமித்தங்கள் என்பர்;கால் தடுமாறுதல் உடலில் உயிர்ச்சத்தி குறைதலால் வருவரு; இஃது ஆகாது; ஆண்மக்களுக்கு இடக்கண்ணும் பெண்களுக்கு வலக்கண்ணும் துடித்தலும் ஆகா என்பர். ஆண்மக்கள்உடலில் வலப்பாகம் வலுத்து ஆண்பாகமென்றும் இடப்பக்கம்அத்தகைய வலிவின்றிப் பெண்பாகமென்றும் கூறுவர். கண் துடித்தல் உயிர்ச்சத்தியின் குறைவு காட்டுதலால் முன்னரே வலிகுறைந்த பகுதி மேலும் சத்தி குறைய அழிவு காட்டும் என்பதாம்; இவ்வாறே இராமன் கதையினுள் பன்னசாலையில் இராவணன் வருமுன் சீதைக்கு வலந்துடித்ததென்றும், அசோகவனத்தில் இடம் துடித்ததென்றும் வரும் கூற்றுக்களின் கருத்தும் காண்க; |
| | கால்களும் - உம்மை உடலைத் தாங்கி நிற்கும் வலுத்தன்மை கொண்ட கால்களும் என்று சிறப்பும்மை. |
| | இடமே யாடி - தீமை அறிவிக்குமாறு தொடர்ந்து மாறின்றி இடதுபக்கமே என்று ஏகாரம் பிரிநிலை, கண் ஆடுதல் - துடித்தல். |
| | மேல்வரும் அழிவு - நிமித்தங்கள் அறிவிக்கின்றபடி உறுதியாய் வருமென்றறிந்து கொண்ட அழிவு; |
| | வேறு காரணமும் காணார் - காரணம் - நிமித்தங்களும் அவற்றாற்றேரியப்படும் அழிவும் வருதற்கு உரிய காரணம்: வேறு - நிமித்தங்களுக்கு, அழிவு காட்டுதலின் பொருட்டு நிகழ்வது ததவிர, வேறு நோய் முதலிய காரணங்கள்; காரணங்காணுதல் - அதற்கு மாற்றுத்தேடுதலின் பொருட்டேயாகலின் காரணம் - மாற்று என்றே பொருள் கொண்டனர் முன் உரைகாரர்: |
| | மாலுழத்தல் - அறிவு நிலை தடுமாறுதல். உழந்து - மால் உழந்து - உழத்தலால்: |
| | அறிவுகெட்டு மயங்கினர் - இப்பாட்டிற் கூறியவை உடற்புறக் கருவிகளின் நிகழ்வன. முன்பாட்டிற் கூறியவை வெளியிற் காண்பன. மேல்வரும் பாட்டில் அகக்கரணங்களின் மாறுபாட்டால் நிகழ்வனவற்றைக் கூறும் முறையும் காண்க. |
| | 633 |
| 2532 | கந்தியர் தம்மிற் றாமே கனன்றெழு கலாங்கள் கொள்ள
வந்தவா றமணர் தம்மின் மாறுகொண் டூறுசெய்ய
முந்தைய வுரையிற் கொண்ட பொரைமுதலவையும் விட்டுச்
சிந்தையிற் செற்ற முன்னாந் தீக்குணந் தலைநின் றார்கள். | |
| | 634 |
| | (இ-ள்) கந்தியர்...கொள்ள - சமணத் தவப்பெண்கள் தம்முள் தாங்களே சினந்து எழுகின்ற கலகங்களைச் செய்யவும்; வந்தவாறு...ஊறுசெய்ய - நேர்ந்தபடி |