|
| | (இ-ள்) அண்ணலார்....நீங்க - இறைவர் முன் கூறியபடி மொழிந்தருளிச் செய்து மறைந்தருள; ஆரூரர்....செல்வார் - நம்பியாரூரரும் தேவதேவராகிய இறைவரது அருளாணையினாலும் விரைந்து செல்வாராகி; கண்ணிய...காதலால் - ஏயர்கோனாரது நட்பினைக் கருதிய மனத்தினுள்ளே எழுந்த பெரு விருப்பத்தினாலும்; கலிக்காமர்க்கு.... செப்பிவிட்டார் - அக்கலிக்காமனாருக்கு வந்த வலிய சூலையினைத் தீர்க்கும் பொருட்டுத் தாம் வருகின்ற நிலையினைச் சொல்லி வரத் தூதுவரையனுப்பினார். |
| | (வி-ரை) அண்ணலார் -"செய்யும் பெருமையை அறிந்தார் யாரோ?; என்று ஏயர்கோனாருங் கூறியபடி அறிதற்கரிய பெருமையினையுடையவர். |
| | ஏவலால் - காதலால் - இறைவரது ஏவலும் தமது காதலும் ஆகிய இரண்டு காரணங்களாலும் நம்பிகள் கலிக்காமர்பால் விரைந்து செல்லுதலும், செப்பிவிடுதலும் ஆகிய இரு செயல்களையும் உடன் நிகழ்த்தினார்; எண்ணும்மைகள் தொக்கன. |
| | செல்வார் - செல்வாராகி; முற்றெச்சம்; செல்வார் - செப்பிவிட்டார் என்று கூட்டுக, |
| | கண்ணிய - கருதிய; கண்ணுதல் - குறிக்கொண்ட நோக்கம் வைத்து உணர்தல்; கருதுதல்; "கண்ணிருள்" என்றவிடத்து (போதம் - சிறப்புப்பாயிரம்) கருதியுணரப்படும் என்றுரைத்தமை காண்க. ஈண்டுக் கருதியுணர நின்ற பொருளாவது கலிக்காமனார் தம்பாற் கொண்ட செற்றத்தினுள்ளே நின்ற சிவன்பாலுறைப்புடைய அன்பின்றிறம். ஏயர் கோனாரது நட்பைக் கருதுகின்ற; ஏயர்கோனாரது சூலையைத் தீர்க்கக் கருதுகின்ற; சிவபிரான் கட்டளையைக் கருதுகின்ற என்று பலவும் உரைக்க நின்றது. |
| | திண்ணிய சூலை - திண்மையாவது இறைவரது திருவருட்கருவியாய்க் குறித்த பயனை விளைத்துவிடும் வலிமை; ஈண்டுப் பயனாவது அன்பு காரணமாக பகைப் பட்டாரை நட்புக்கூட்டுதல்; திண்ணிய - பெருநோய் செய்து பிறிதெவ்வாற்றானும் தீராத என்ற குறிப்பும் தருவது. |
| | வருதிறம் - தாமே வரும் செயல்; திறம் - ஈண்டு வலிய செயல் என்ற குறிப்புமுடையது. |
| | செப்பி விடுதலாவது - அறிவிக்கும்படி தூதரை ஏவுதல். |
| | 395 |
| 3550 | நாதர்தம் மருளா னண்ணுஞ் சூலையு மவர்பாற் கேட்ட
கேதமும் வருத்த மீண்டம் வன்றொண்டர் வரவுங் கேட்டுத்
"தூதனா யெம்பி ரானை யேவினான் சூலை தீர்க்கும்
ஏதமிங் கெய்த வெய்தி லியான்செய்வ தென்னா?" மென்பார், | |
| | 396 |
| 3551 | "மற்றவ னிங்கு வந்த தீர்ப்பதன் முன்னான் மாயப்
பற்றிநின் றென்னை நீங்காப் பாதகச் சூலை தன்னை
உற்றவிவ் வயிற்றி னோடுங் கிழிப்ப"னென் றுடைவா டன்னாற்
செற்றிட வுயிரி னோடுஞ் சூலையுந் தீர்ந்த தன்றே. | |
| | 397 |
| | 3550. (இ-ள்) நாதர்தம்....வருத்த - இறைவரது திருவருளினாலே வந்து பொருந்திய சூலையும், அதன்மேல் அவ்விறைவர் மொழிந்தருளக் கேட்ட துன்ப மொழியும் தம்மை மிகவும் வேதனை செய்ய; மீண்டும்...,கேட்டு - அதன் மேலும் வன்றொண்டரது வரவினையும் கேட்டு; தூதனாய்....என்பார் - தூதனாக எமது பெரு |