|
| | (இ-ள்) நள்ளிருள்...வள்ளலார் - ஈடு இரவிலே தமது தலைவரைத் தூதாக விடுத்த நம்பிகளுக்கே நண்பராக ஆகிய வள்ளலாராம்; ஏயர்கோனார் மலரடி வணங்கி -ஏயர்கோனாருடைய மலர் போன்ற திருவடிகளை வணங்கி (அத்துணை கொண்டு); உள்ளுணர்வான....செப்ப - உள்ளே உணரத்தக்கதாகிய ஞானம் முதலாகிய ஒரு நான்கின் உண்மையினைத் தெளிவிக்கும் இனிய தமிழினாற் கூறும் திருமூலதேவ நாயனாரது பெருமையினைச் சொல்லுவதற்கு; புக்கேன் - இனிப் புகுகின்றேன். |
| | (வி-ரை) நன்இருள் - நடுஇரவில்;"பாதி இரவில்" (3493); திணிந்த இருளில் என்ற குறிப்புமாம். |
| | இருளில் - தூது விட்டவர் - என்க; இருள் - இருளின்கண்; எழனுருபு தொக்கது; நள் இருள் - நாயனார் என்றே கூட்டி இரவில் ஆடுகின்ற நாயனாராகிய இறைவர் என்றலுமாம். இருள் - சங்காரகாலம்; நள் இருன் - நள் - நட்புச் செய்யும் - புரவி தீர்த்து ஒன்றுவிக்கும் - கருத்துடன் கூடிய அவ்விரவிலே என்ற குறிப்பும்பட நின்றது. |
| | தூது விட்டவர்க்கே நண்பாம் - தூது விட்டதன் பொருட்டுப் பகைமை பூண்டு தாம் வெறுத்த அந் நம்பிகளுக்கே என ஏகாரம் தேற்றம். |
| | நள் இருள்....வள்ளலார் - ஏயர்கோன் கலிக்காமர் சரித முழுமையும் திரட்டிய சாரமாய் எடுத்துக் காட்டியது கவிநயம். |
| | செப்பப் - புக்கேன் என்று கூட்டுக. புக்கேன் - புகுகின்றேன்; இறந்தகாலம் நிகழ்காலப் பொருளில் வந்தது காலவழுவமைதி. |
| | உள்ளுணர்வான ஞானம் - உள்ளததால் அனுபவத்தில் உணரப் படுவதன்றி உரையால் உரைக்கலாகாத ஞானம்; அதனையும் கூறும் என்று திருமூலர் பெருமை குறித்தவாறு. |
| | முதலிய - முதலாக; சிறப்புடைய முடிந்த முடிபாகிய. |
| | ஞான முதலிய ஒரு நான்கு - நான்கினுட் பயனாக வுள்ளது ஞானமாதலின் அதனைச் சுட்டிப் படிமுறையாகிய ஏனையவற்றை அதனுள் அடங்க வைத்தார்."சிறப்புடைப் பொருளை முற்படக் கிளத்தல்"; "நலஞ் சிறந்த ஞானயோகக் கிரியா சரியையெலாம், மலர்ந்த மொழித் திருமூல தேவர்" (28) என்று முடித்துக் காட்டியருளுவதும் காண்க; நான்கு - ஞானம் யோகம் கிரியை சரியை என்பன. |
| | உண்மை - உண்மை நிலைகளை; தெள்ளும் - தெளிய அறிவிக்கும்; பிறவினைப் பொருளில் வந்தது. |
| | ஞான முதலிய ஒரு நான்கு உண்மை - இவை சிவாகமங்களுள் இறைவனால் அருளப்பட்டன. இவற்றை இனிய தமிழினால் திருமந்திரத்தினால் அருளியவர் திருமூல தேவர்; எனவே இறைவர் அவ்வாகமங்களைத் தமிழினன்றி (வேறு) வடமொழியில் அருளினார் என்பது கருதக் கிடக்கின்றது; "ஆகமம் செப்ப வந்தேனே" (திருமந் -1-73); "இங்கியான் வந்த காரணம், நீலாங்க மேனி நேரிழையாளொடு, மூலாங்கமாக மொழிந்த திருக்கூத்தின், சிலாங்க வேதத்தைச் செப்ப வந்தேனே" (மேற்படி76) (இங்கு வேதம் என்பது ஆகமம் ஞானம் என்ற பொருளில் வந்தது). |
| | தெள்ளு தீந்தமிழ். "என்னை நன்றாக யிறைவன் படைத்தனன், றன்னை நன்றாகத் தமிழ்ச்செய்யு மாறே" (மேற்படி81). |
| | உண்மை - இறைவரது சத்திய வாக்காகிய சிவாகமம். |
| | பெருமை - செப்ப - ஏனைச் சரிதங்கள் போல இவ்வுலகிற்பிறந்து அடிமை செய்து திருவடி யடைந்த நிலை என்பதின்றித், திருமூல தேவ நாயனார் திருக்கயிலையில் |