(வி-ரை) வான் - என்பதனை மேலுங் கூட்டுக.
|
கொடி - காக்கை. கருங்கொடி - இயற்கையடை.
|
மேல் நிலாவு - கழுகு பருந்து முதலிய பெரும் பறவைகள்; காக்கைகள் பறக்கும்
உயரத்தின்மேல் ஆகாயத்தில் மிக்க உயரத்தில் பறக்கும் இயல்பு குறித்தது.
|
ஏனை - குலம் - பருந்தின் பல பகுப்புக்கள். குலம் - இனம் - ஒன்றன் கூட்டம்.
|
மான ஊண் - பருத்த மாமிசத் துண்டங்கள்; ஊன் - இங்கு இவற்றின்
உணவாகிய மாமிசத்துண்டங்களைக் குறித்தது. மானம் - பருமை - பெருமை.
|
ஆனவூன் - என்றலுமாம். ஆன - முன் கூறியவாறு துண்டமாயினமையிற் பெற்ற
தம் உணவு.
|
கொடி - பருந்து - கழுகின் குலம் - எழுந்தவே என்க. எழுந்தவே
என்றதனால் அவை முன்னர் மொய்த்துக் கூடி, ஊன் துண்டங்களைப் பிய்த்து உண்டு,
மேலும் கொண்டு சென்றன என்பவை உணர்த்தப்பட்டன. தன்மை நவிற்சியணி 25
|
| வேறு
|
| 3967. | வரிவிற் கதைசக் கரமுற் கரம்வாள்
சுரிகைப் படைசத் திகழுக் கடைவேல்
எரிமுத் தலைகப் பணமெற் பயில்கோல்
முரிவுற் றனதுற் றனமொய்க் களமே. 26
|
(இ-ள்) மொய்க்களமே - அந்தப் போர்க்களத்திலே; வரிவில் - கதை - சக்கரம்
- முற்கரம் - வாள் - சுரிகைப்படை - சத்தி - கழுக்கடை - வேல் - எரிமுத்தலை -
கப்பணம் - எற்பயில் கோல் முரிவுற்றன - வரிவில் முதலாகக் கோலீறாகச்
சொல்லியவை ஒன்றோடொன்று தாக்கி முரிந்தனவாய்; துற்றன - நெருங்கியன.
|
(வி-ரை) மொய்க்களம் - போர்க்களம். மொய் - போர்.
|
வரிவில்....கோல் - அந்நாளில் போரில் வீரர் கையாளும் படைக்கலங்களை
அடைமொழியின்றி அடுக்கிக்காட்டிக் கூறிய கவிநயம் கண்டுகொள்க.
|
வரிவில் - வரிந்து கட்டிய வில்; முற்கரம் - முன்கையிற் பற்றும் சம்மட்டி
போன்ற ஒருவகை ஆயுதம்; முசுண்டி என்பர். சுரிகைப்படை - உடைவாள்; சத்தி -
சிறு சூலம்; கழுக்கடை - ஈட்டி; எரிமுத்தலை - தீப்போன்று பாயும் சூலம்.
அக்கினியைச் சொரியும் சூலம் என்பாருமுண்டு; கப்பணம் - யானை நெருஞ்சில்
வடிவாக இரும்பினாற் செய்த ஒருவகைப் படை; எல் பயில் கோல் - ஒளிமிக்க
அம்பு. வில் - கதை முதலியன உம்மைத்தொகைகள்.
|
முரிவுற்றன - முற்றெச்சம், முரிந்தனவாகி.
|
| எற்பரிகோல் - என்பதும் பாடம். 26 |
| 3968. | வடிவே லதிகன் படைமா ளவரைக்
கடிசூ ழரணக் கணவாய் நிரவிக்
கொடிமா மதினீ டுகுறும் பொறையூர்
முடிநே ரியனார் படைமுற் றியதே. 27
|
(இ-ள்) வடிவேல்....மாள - வடித்த வேலேந்திய அதிகனது படைகள் மடிதலும்;
முடிநேரியனார் படை - முடிசூடிய மன்னராகிய புகழ்ச் சோழரது சேனைகள்;
வரை...நிரவி - மலைக்காவல் குழ்ந்த அரணத்தோடு கணவாய்களையும் இடித் |