துச் சமதரையாக்கி; கொடி....பொறையூர் - கொடிகளையுடைய பெரிய மதிலையுடைய
குறிஞ்சி நிலத்துள்ள அவ்வூரை; முற்றியது - வளைந்துகொண்டது.
|
(வி-ரை) மாள - மாண்டொழிந்ததனால், வடிவேலதிகன் படைமாள - என்றது
இகழ்ச்சிக் குறிப்பு;
|
வரைக்கடிசூழ் அரணம் - மலையின் இயற்கைக் காவலுடன் செயற்கையாகிய
மதில் முதலிய காவலும் பொருந்திய கோட்டை. கடி - காவல். மலையாகிய காவல்
சூழ்ந்துள்ள.
|
கணவாய் - மலைகளின் இடையிலுள்ள வழி.
|
நிரவுதல் - தகர்த்து நிலமட்டமாக்குதல்.
|
குறும் பொறையூர் - குறிஞ்சி நிலத்துள்ள ஊர்.
|
முடிநேரியனார் - முடி - முடிமன்னராகிய; ஏனைச் சிற்றரசர் அரசு புரியினும்
முடிசூடும் உரிமை யில்லாதவர் என்பது. நேரியன் - சோழன்.
|
முற்றியது - முற்றுகையிட்டது; சூழ்ந்து வளைத்துக்கொண்டது. முற்றுகையிடுதல்
என்பர். இதனைப் புறத்திணைகளுள் உழிஞைத்திணை என்பர்; பகைவருடைய மதிலை
வளைத்துக் கொள்ளுதல். இது மருதத்தின் புறமென்பது தொல்காப்பியம்; இது
நொச்சித் திணைக்கு மறுதலை; மேல்வரும் பாட்டில் நொச்சி பரிந்துடைய என்பது
காண்க. 27
|
| 3969. | முற்றும் பொருசே னைமுனைத் தலையிற்
கற்றிண் புரிசைப் பதிகட் டழியப்
பற்றுந் துறைநொச்சி பரிந் துடையச்
சுற்றும் படைவீ ரர்துணித் தனரே. 28
|
(இ-ள்) முற்றும்.....தலையில் - முற்றுகையிட்ட சோழரது சேனையின் போரின்
முன்னே; கல்....கட்டழிய - மலையாகிய திண்மையுடைய மதில் சூழ்ந்த ஊரானது காவ
லழிவுபெறவே; பற்றும்....உடைய - பற்றாகக் கொண்ட நொச்சித் துறையாகிய மதில்
காவலானது பரிபவப்பட்டு உடைந்து அழியும்படி; சுற்றும்....துணித்தனர் - அதனைச்
சுற்றிய படைவீரர்கள் துண்டித்தனர்.
|
(வி-ரை) முற்றும் - முற்றுகையிடும்.
|
பொரு சேனை - பொருகின்ற சோழரது சேனை.
|
முனைத்தலையில் - தாக்கிய போரின் முதிர்ச்சியினால்.
|
கல் திண் புரிசை - “வரைக் கடிசூ ழரணம்” என்றதாம்; கல் - மலை. கட்டு -
காவல் அமைப்பு. அழிய - அழிந்தமையால்.
|
பற்றும்துறை நொச்சி பரிந்து உடைய - பற்றும் - பற்றாகக் கொண்டு காத்த;
துறைநொச்சி - “பற்றறுப்பீர்” (3958); மதில்காத்தலாகிய புறத்திணையின் நொச்சித்
திணை என்னும் ஒழுக்கம். உடைய - உடைந்துவிடும்படி. உடையத் - துணித்தனர்
என்க.
|
சுற்றும் - சுற்றிய - சூழ்ந்த; துணித்தனர் - துண்டப்படுத்தினர்; துறை நொச்சி
- நொச்சிக்கண் உணவாகிய பல துறைகளையும் குறித்தது. அவை பலவும் உடைய
என்க. 28
|
| 3970. | மாறுற் றவிறற் படைவா ளதிகன்
நூறுற் றபெரும் படைநூ ழில்பட |