செல்வங்களுடன் உள்ள குடிகள் நிறைதலாலும் ஆகிய தன்மை. “மெய்யொளியி
னிழற்காணு மாடியென” (1274).
|
நிலம் பதினெட்டு - பதினெட்டு மொழிகள் வழங்கும் பதினெட்டுத் தேயங்கள்.
இத்தேயங்கள், சிங்களம் முதலாகத் தமிழகம் ஈறாகத் தமிழ் நூல்களிற் கூறப்பட்டவை.
மொழிகளும் அவ்வத் தேயங்களின் பெயராலே அறியப்படுவன.
|
சிங்களம், சோனகம், சாவகம், சீனம், துளுவம், குடகம், கொங்கணம், கன்னடம்,
கொல்லம், தெலுங்கம், கலிங்கம், வங்கம், கங்கம், மகதம், கடாரம், கவுடம், கோசலம்,
தமிழகம் என்பன. “பண்டிதர் தங்கள் பதினெட்டுப் பாடையும்” (திருமந்திரம்).
|
நிலம் பதினெட்டினும் நிறைந்த - பல பொருள் மாந்தர்கள் பெருகி -
இவர்கள் வாணிபத்தின் பொருட்டு இங்கு வந்து குழுமுவர்; தத்தம் நாட்டின் வாணிபப்
பொருள்களையும் கொணர்வர்; இந்நகர் கடல் துறைமுகப் பட்டினமாதலாலும், செல்வப்
பொருட் பண்டங்கள் நிறைதலாலும் வாணிபத்திற்காகப் பல திசைகளிலுமிருந்து மக்கள்
வந்து கூடுவர். “ஊறுபொரு ளின்றமி ழியற்கிளவி தேருமட மாதருடனார், வேறுதிசை
யாடவர்கள் கூறவிசை தேரும்” (4); காசுமணி வார்கனக நீடுகட லோடுதிரை
வார்துவலைமேல், வீசுவலை வாணரவை வாரிவிலை பேசுமெழில்; (10) என்று, (சாதாரி -
வேதவனம்) இதுபோன்ற கடற் றுறைமுகப் பட்டினமாகிய வேதாரண்யத்தினைப் பற்றி
ஆளுடைய பிள்ளையார் அருளியவை இங்கு நினைவு கூர்தற்பாலன.
|
கோடி - எல்லை; கோடி நீள்தனம் - தனங்களின் எல்லை இது என்னும்படி
நீண்டதனம். கோடி - என்ற பேர் எண் குறித்ததென்றலுமாம். மண்டலம் - வளைவு.
பிறங்கலிற்சிறந்து - என்பதும் பாடம். 4
|
| 3996. | அந்நெ டுந்திரு நகர்மருங் கலைகடல் விளிம்பிற்
பன்னெ டுந்திரை நுரைதவழ் பாங்கரின் ஞாங்கர்
மன்னு தொன்மையின் வலைவளத் துணவினின் மலிந்த
தன்மை வாழ்குடி மிடைந்தது தடநுளைப் பாடி. 5
|
(இ-ள்) அந்நெடும்.....ஞாங்கர் - அந்த நீண்ட திரு நகரத்தின் பக்கத்தில்
அலைகளையுடைய கடலின் விளிம்பிலே பல நீண்ட அலைகளின் நுரை வந்து
தவழ்தற்கிடமாகிய பக்கங்களை அடுத்து; மன்னு...தன்மை - நிலைபெற்ற பழமையில்
வலைவீசி மீன்படுக்கும் தொழிலாற் பெறும் வளமுடைய மீன் உணவினில் பெருகிய
தன்மையாலே; வாழ்...நுளைப்பாடி - வாழ்வு பெற்ற பரதவர் குடிகள் மிடைந்துள்ளது
பெரிய பரதவர் சேரி.
|
(வி-ரை) கடல் விளிம்பு - கடலின் கரையோரம்.
|
திரை நுரைதவழ் பாங்கர் - கடலலைகள் கரையின் மோதிச் சிதறிப்
பரவும்போது அவ்வலைகளின் நுரை நெடுந்தூரம் சென்று கரையின் தரையிற்றவழும்.
ஞாங்கர் - அந்த அளவு எல்லையினை அடுத்துள்ள இடம்.
|
தொன்மையாவது இப்பரதவர் இத்தொழிலையே உரிமையாக வழிவழி நீண்ட
காலமாகச் செய்து வாழ்வார் என்ற பழமையுரிமை.
|
| வலைவளம் - வளை வீசிப்படுக்கும் மீனாகிய வளம்; செல்வம். |