உலகடங்கலும் விலையாம் பான்மை - விலை மதிப்புப் பற்றிக் கூறியது,
இந்நாயனார் மீன் விலைப்படுத்தி உண்ணும் வாழ்வினராதலின் இதன் பெருவிலை பற்றி
ஆசைகொள்ளார் என்பது உணர்த்த இறைவர் அமைத்த நிலை காட்டுதற்கு.
அற்புதப்படியது - அற்புதம் - காணுந்தோறும் புதிது புதிதாய் விளையும்
பெருமித உணர்வு. இவ்வுணர்வை விளைக்கும் தன்மையினை உடையது; படி - தன்மை;
படியது - தன்மையினை உடையது.
|
ஒன்று - இரண்டேனும் பலவேனும் வரின் ஒன்று இறைவனுக்கு விடுப்பர்.
ஒன்றேவரின் விடுப்பரோ என்ற ஐயமின்றி உலகர் காண; காளத்திநாதர் தமது
இடக்கண்ணிலும் குருதி சோர நின்ற திருவுள்ளக் குறிப்பு ஈண்டு வைத்து கருதற்பாலது.
|
இடுவலை - நாயனாரது ஆட்கள் இடும் வலையின்கண்.
|
படுத்தார் - படுப்பித்தார்; படச் செய்தருளினர் (அமுது உண்பார்) என்க.
|
தூ.....படியது - “ஒரு நாட்கனக, நிறமமர் மீன்பட” என்ற வகைநூற் கருத்தினை
விரித்தருளியவாறு.
|
| 4007. | வாங்கு நீள்வலை யலைகடற் கரையில்வந் தேற
ஓங்கு செஞ்சுட ருதித்தென வுலகெலாம் வியப்பத்
தாங்கு பேரொளி தழைத்திடக் காண்டலு மெடுத்துப்
பாங்கு நின்றவர் “மீனொன்று படுத்தன” மென்றார். 16
|
(இ-ள்) வாங்கு....ஏற - மீன்வாரி இழுக்கப்பட்ட நீண்ட வலையானது
அலைகளையுடைய கடற்கரையில் வந்து ஏற; ஓங்கு......காண்டலும் - (அதிற்பட்ட மீன்)
ஓங்கும் ஞாயிறு உதயமானாற்போல உலகெலாம் அதிசயிக்கும்படி அமைந்த பெரிய
ஒளிவீசக் காண்டலும்; எடுத்து.....என்றார் - அதனை எடுத்து அருகு நின்ற பரதவர்கள்
மீன் ஒன்றைப் பிடித்தோம் என்று சொன்னார்கள்.
|
(வி-ரை) வாங்கு நீள்வலை.....ஏற - வாங்குதல் - இழுத்தல். மீன்படுக்கக்
கடலில் வீசிய நீண்ட வலையினை மீன்பட்டவுடன் இழுத்துப் படவிலேனும்
கரையிலேனும் சேர்ப்பர்; நீள்வலை - கடல் வலைகளின் பெருநீளத்தைக் குறித்தது;
கரையில் வந்தேற - அலைகளினூடே கரையில் வந்து சேர்ந்து எடுக்கப்பட; வாங்கு -
வளைந்த என்றலுமாம்.
|
ஓங்கு செஞ்சுடருதித்தென - தூநறும் பொன்னும் நவமணிகளும் மீனுறுப்பாக
அமைந்ததாகலின் சூரிய ஒளி வருதல்போல என்றார். மெய்பற்றி வந்த உவமம்;
சூரியன் உதிக்கும்போது செந்நிறமுடையதாதலின் செஞ்சுடர் என்றார்.
|
உலகெலாம் - திருவருள் வெளிப்பட்ட இடமாதலின் இம் முதன்மொழி யாகிய
அருள்மொழியாகிய மணியினை இங்குப் பதித்தருளினர் ஆசிரியர்.
|
பாங்கு நின்றவர் - அருகில் - அருகில்; பாங்கு - பான்மை என்று கொண்டு
மீன்படுத்துக் கொணரும் (பாங்கில்) பண்பியலையுடையார் என்றலுமாம்.
|
மீனொன்று படுத்தனம் - இஃது பரிசனத்தவர் தம் தலைவராகிய
அதிபத்தருக்குரைத்தது.
|
எடுத்து - அம்மீனை வலையினின்றும் வேறு எடுத்து; மீன் என்றது முன்
பாட்டினின்றும் எடுக்கப்பட்டது.
|
| திரையில் வந்தேற - என்பதும் பாடம். 16 |