| 4013. | மற்றப் பதியி னிடைவாழும் வணிகர் குலத்து வந்துதித்தார்
கற்றைச் சடையார் கழற்காத லுடனே வளர்ந்த கருத்துடையார்
அற்றைக் கன்று தூங்கானை மாடத் தமர்ந்தா ரடித்தொண்டு
பற்றிப் பணிசெய் கலிக்கம்ப ரென்பார் மற்றோர் பற்றில்லார். 2
|
| (இ-ள்) மற்றப் பதியினிடை.....உதித்தார் - மற்று அத்திருப்பதியினில் வாழ்வு
பெறுகின்ற வணிகர் குலத்திலே வந்து அவதரித்தார்; கற்றை....கருத்துடையார் -
கற்றையாகிய சடையினையுடைய சிவபெருமானது திருவடிகளில் கொண்ட
பெருவிருப்பம் தமதுடலின் வளர்ச்சியினுடனே வளரும் கருத்தினை உடையவர்;
அற்றைக்கு......என்பார் - அவ்வந்நாளும் அப்பதியில் திருத்தூங்கானை மாடத்தில்
விரும்பி எழுந்தருளியுள்ள இறைவரது திருவடித் தொண்டு பற்றிப் பணிசெய்யும்
கலிக்கம்பர் என்று சொல்லப்படுவர்; மற்றோர் பற்றில்லார் - சிவனடிப் பற்றேயன்றி
வேறு ஒரு பற்றுமில்லாதவர்.
|
| (வி-ரை) உதித்தாரும் - கருத்துடையாரும், என்பாரு மாவர்; அவர்பற்றில்லார்
என்று முடிக்க.
காதல் உடனே வளரும் கருத்து - பிறந்தபோதே கழற்காதலுடன் பிறந்தார்.
இவர் வளரக் காதலுடைய கருத்து உடன் வளர்ந்தது.
|
அற்றைக்கன்று - அன்றைக்கு - என்பது எதுகை நோக்கி அற்றைக்கு - என
நின்றது, அற்றைக்கன்று - ஒவ்வொரு நாளும். அற்றைக்கென்று என்று
பாடங்கொண்டு, அற்றைக்கு - மறுமைக்கு உறுதுணையாக என்பாருமுண்டு.
|
தூங்கானைமாடம் - இப்பதியி்ல் உள்ள கோயிலின் பெயர். தலவிசேடம் பார்க்க.
|
அடித்தொண்டு பற்றி - தொண்டினையே உரிய பற்றாகப் பற்றிக்கொண்டு;
பிரிநிலை ஏகாரம் தொக்கது. மற்றோர் பற்றில்லார் - என எதிர்மறையாலும்
மேல்விரித்தல் காண்க. “பற்றுக பற்றற்றான் பற்றினை” (குறள்); “முதல்வன் பாதமே
பற்றா நின்றாரை” (பிள். தேவா); “மற்றுப் பற்றெனக் கின்றி நின்றிருப் பாதமே மனம்
பாவித்தேன்” (தேவா - நம்பி) 2
|
| 4014. | ஆன வன்பர் தாமென்று மரனா ரன்பர்க் கமுதுசெய
மேன்மை விளங்கும் போனகமும் விரும்பு கறிநெய் தயிர்தீம்பால்
தேனி னினிய கனிகட்டி திருந்த வமுது செய்வித்தே
ஏனை நிதியம் வேண்டுவன வெல்லா மின்ப முறவளிப்பார். 3
|
| 4015. | அன்ன வகையாற் றிருத்தொண்டு புரியு நாளி லங்கொருநாள்
மன்னு மனையி லமுதுசெய வந்த தொண்டர் தமையெல்லாம்
தொன்மை முறையே யமுதுசெயத் தொடங்கு விப்பா ரவர்தம்மை
முன்ன ரழைத்துத் திருவடிக ளெல்லாம் விளக்க முயல்கின்றார், 4
|
| 4016. | திருந்து மனையார் மனையெல்லாந் திகழ விளக்கிப் போனகமும்
பொருந்து சுவையிற் கறியமுதும் புனிதத் தண்ணீ ருடன்மற்றும்
அருந்து மியல்பி லுள்ளனவு மமைத்துக் கரக நீரளிக்க
விரும்பு கணவர்பெருந்தவர்தாளெல்லாம்விளக்கும் பொழுதின்கண்,
|
| 4017. | முன்பு தமக்குப் பணிசெய்யுந் தமரா யேவல் முனிந்துபோய்
என்பு மரபு மணிந்தபிரா னடியா ராகி யங்கெய்தும் |