அன்பரை இகழ்ந்தியம்பும் உரைவைத்த நாவை - சிவனைப் பழித்தல்
கொடிய சிவாபராதம்; அவன் அன்பரைப் பழித்தல் அதனினும் கொடியது
என்பதுண்மை. அதனால் இந்நாயனார் அடியாரைப் பழித்துக் கூறும் நாவினை
அரிதலைத் தொண்டாகக் கொண்டனர். அன்பரை இகழ்ந்தது அரனை இகழ்ந்ததுமாம்.
அங்கணரையும் அன்பரையும் என்றலுமாம்.
 

     உரை வைத்த - உரையினை வைத்தற்கு (சொல்லுதற்கு) இடமாக வைத்த; நாவே
சொல் இயம்புதற்குத் துணைசெய்யும் கருவியாம். வைத்த - வாழ்த்தற்குத் தந்த நாவில்
வேறு பொருள் வைத்த நாஅரி - தவறுபட்ட அங்கத்தையே தண்டித்தல் மரபு.
கலிக்கம்பர் இடங்கழியார், செருத்துணையார் சரிதங்கள் பார்க்க.