4049. (இ-ள்) தொண்டு உரிமை புரக்கின்றார் - திருத்தொண்டினது உரிமைச்
செயல்களை வழுவாமற் காத்து வருகின்ற நாயனார்; சூழ்வேலை...இறைஞ்சி - கடல்
சூழ்ந்த இந்நில உலகத்திலே தேவர் பெருமானாராகிய சிவபெருமான் விரும்பி விளங்க
எழுந்தருளிய ஆலயங்க ளெல்லாவற்றையும் சென்று கண்டு வணங்கி;
திருத்தொண்டின்........செய்தே - திருத்தொண்டுக் கேற்ற கடமையாகிய பணிவிடைகள்
எல்லாவற்றையும் செய்தே; வண்டமிழின்......வழுத்துவார் - ஒவ்வோர் பதியிலும்
வளப்பமுடைய தமிழின் வெண்பா ஒவ்வொன்றாகச் சேர்த்தித் துதிப்பாராகி;   4

     4050. (இ-ள்) பெருத்தெழு காதலில் வணங்கி - பெருகி எழுகின்ற காதலால்
வணங்கி; பெரும்பற்ற.....நேர்ந்திறைஞ்சி - தண்ணிய பெரும் பற்றப் புலியூரில்
திருச்சிற்றம்பலத்தின்கண் திருக்கூத்தியற்றும் சிவந்த சடையினையுடைய கூத்தரது
திருக்கூத்தினை நேர்பட்டுக் கும்பிட்டு; நெடுந்தகையார்.....புனைந்தார் - பெருந்தகைமை
யுடையார் விருப்பத்துடனே செந்தமிழினிய, வெண்பாவாகிய மெல்லிய மலரைப்
புனைந்தருளினர்.                                                  5
 

     இந்த இரண்டு பாட்டுக்களும் தொடர்ந்து ஒரு முடிபு கொண்டன.