சரிதச் சுருக்கம்: ஐயடிகள் காடவர்கோன் நாயனார் புராணம் :-
இப்பெயருடைய நாயனார் சோழ மரபில் பல்லவர் குலத்தில் அவதரித்துக்
காஞ்சிபுரத்திலே அரசாண்டவர்; உலகில் வறுமையும் பகையும் துன்பமு மின்றி, எல்லா
உயிர்களும் ஒருங்கு நன்கு வாழவேண்டு மென்னும் கொள்கை யுடையவராய்
நீதியினால் பகைகளை அடக்கிக் சைவத் திருநெறியில் அரசளித்தார். இவர் வடமொழி
தென்றமிழ் என்ற. இரண்டிலும் கலைஞானங்களிலும் வல்லவர்.
 

     குறிப்பு : இவர் பாடியருளிய வெண்பாக்கள் யாவும் யாக்கை நிலையாமையை
வற்புறுத்தி இறைவரைத் தலந்தோறும் சென்று வழிபட்டு முத்திக்கு வழிதேடும்
கருத்தினை உபதேசிக்கும் வகையில் அமைந்துள்ளன; இவை க்ஷேத்திரத் திருவெண்பா
என்ற பெயரால் தொகுத்து வகுக்கப்பட்டுப் பதினோராந் திருமுறையினுள்
நம்பியாண்டார் நம்பிகளாற் சேர்க்கப்பட்டுள்ளன.
 

     3. சைவத் திருநெறியால் அரசளித்தல் சிறப்புடையது.