தீர்ந்தன. பிறர்பால் இரத்தலை அஞ்சினார்; தமது உடல் முயற்சியால் அரிந்து
கொண்டுவந்த கணம் புல்லினை விலைப்படுத்தி அப்பொருளினால் விளக்கெரித்து
வந்தனர்.
|
ஒரு நாள் அவர் கொண்டுவந்த புல் எவ்விடத்தும் விலை போகாதாயிற்று, அப்
புல்லையே மாட்டி விளக்கெரித்தார். ஆனார், அது, தாம் நியமமாகவே மேற்கொண்ட
யாம அளவுரை எரிக்கப் போதாதாயிற்று. அன்பினால் எலும்பும் உருக அந்நாயனார்
தமது திருமுடியினையே விளக்காக மாட்டி எரித்தனர்; இருவினைத் தொடக்கையும்
எரித்தொழிந்தார். இறைவர் அவருக்கு மங்கலமாம் பெருங்கருணை வைத்தருளினர்.
அவர் சிவலோகத்தில் இறைஞ்சி இன்பமுடன் அமர்ந்தனர். அவர் செய்த திருப்பணி
காரணமாக அவருக்குக் கணம்புல்லர் என்று பெயராயிற்று.
|
கற்பனை - (1) செல்வம் பெற்ற பயன் சிவன் பணி செய்தலேயாம்.
|
(2) சிவன் கோயிலி்ல் திருவிளக் கெரித்தல் சிறந்த சிவபுண்ணியம்.
|
(3) வறுமை வந்த காலத்தும் தாம் நியமமாகக் கொண்ட சிவன் பணியை விடாது
எவ்வகையானும் செய்வது பெரியோர்க்கே கூடுவது.
|
(4) சிவன் பணிக்கென்றேனும் இரத்தல் அஞ்சத்தக்கது.
|
(5) மனையில் உள்ளனவற்றை மாறியும், காய முயற்சியால் அரிந்த புல்விற்றும்
பணிசெய்தனர் கணம்புல்ல நாயனார்; இது பெரியோர் தன்மை.
|
6) தம் உடம்பின் முடியினையே விளக்காக எரித்தலும் சிவன்றிருப்பணியின்
உறைப்புடையார்க்குச் சாலும். கலியநாயனாரது வரலாறு காண்க.
|
தலவிசேடம்; இருக்குவேளூர் :- கொங்கு நாட்டில், சேலம் சில்லாவில்
வடவெள்ளாற்றுத் தென்கரையில் உள்ளது. பேளூர் என வழங்குவது. 4055 - ன் கீழ்
உரைத்தவை பார்க்க.
|
| 48. கணம்புல்ல நாயனார் புராணம் முற்றும் |