| உ
சிவமயம்
திருச்சிற்றம்பலம்
|
| 53. கழற்சிங்க நாயனார் புராணம்
_ _ _ _ _
|
| தொகை
|
| | “கடல்சூழ்ந்த வுலகெலாங் காக்கின்ற பெருமான்
காடவர்கோன் கழற்சிங்க னடியார்க்கு மடியேன்” 7
| |
| வகை
|
| | “மாதவத் தோர்தங்கள் வைப்பினுக் காரூர் மணிக்குவைத்த
போதினைத் தான்மோந்த தேவிதன் மூக்கை யரியப்பொற்கை
காதிவைத் தன்றோ வரிவதென் றாங்கவள் கைதடிந்தாள்
நாதமொய்த் தார்வண்டு கிண்டுபைங் கோதைக் கழற்சிங்கனே” 8
| |
| - திருத்தொண்டர் திருவந்தாதி - 64
|
| விரி
|
| 4096. | படிமிசை நிகழ்ந்த தொல்லைப் பல்லவர் குலத்து வந்தார்
கடிமதின் மூன்றுஞ் செற்ற கங்கைவார் சடையார் செய்ய
அடிமல ரன்றி வேறொன் றறிவினிற் குறியா நீர்மைக்
கொடிநெடுங் தானை மன்னர் கோக்கழற் சிங்க ரென்பார். 1
|
புராணம்: முன் உரைத்தாங் குரைத்துக் கொள்க.
|
தொகை: கடலாற் சூழப்பட்ட உலகத்தை யெல்லாம் அரசு புரிந்து காக்கின்ற
பேரரசராகிய காடவர் மரபில் வந்த அரசராகிய கழற்சிங்கரது அடியவர்க்கும் யான்
அடியேனாவேன்.
|
காக்கின்ற என்று நிகழ்காலத்தில் கூறியமையால் ஆளுடைய நம்பிகள் காலத்தில்
இவ்வரசர் அரசாட்சி புரிந்தனர் என்பது கருத்தப்படும்.1
|
காடவர்கோன் - காடவர் மரபில் வந்தவர்; “பல்லவர் குலம்” (4096); பல்லவர்
மரபும் காடவர் மரபும் ஒன்று.
|
கழற்சிங்கன் இவர்க்கு மற்றும் பல பெயர்கள் வழங்கியன என்பர்.
|
| _____________ |
1 குறிப்பு: இவர் மூன்றாவது நந்திவர்மன் என்ற பெயரால் கல்வெட்டு முதலிய
ஆதரவுகளிற் காணப்படும் அரசராக இருக்கலாம் என்றும், இங்கு இப்புராணத்துள்
வரும் அவரது பட்டத்து அரசி, சங்கா என்னும் சமணச் சார்புடைய பெண்மணி
என்றும் சரித ஆராய்ச்சியாளர் கருதுகின்றார்கள். |