நம்முலகம் அடைய, நீ இந்நிலையே நம்முடன் அணைக என்று அருளி
எழுந்தருளினர்.
|
குறிப்பு :- இந்நாயனாரது நம்பிகள் சார்புபற்றிய வரலாறு முன் ஏயர்கோன்
கலிக்காமனார் புராணத்து உரைக்கப்பட்டது.
|
கற்பனை :- (1) தாம் தாம் செய்தொழிற் பெருஞ்சிறப்பின் வந்த வளமெல்லாம்
சிவன்திருவமுதின் படி பெருகச் செய்தல் சிவன்றிருப்பணியாகிய பெருஞ்சிவ தருமமாம்.
|
(2) சிவனது திருவமுதுபடிக்குரிய நெல்லினை எவ்வகையாலேனும்
எக்காலத்திலேனும் அழித்தலும், கவர்தலும், தாமுண்ண நினைத்தலும் பெரும்பாவமும்
சிவாபராதமுமாம்.
|
(3) சிவன் திரு ஆணையாகிய “திருவிரையாக்கலி”யின் வரம்பை மறுத்தல்
பெரும் சிவாபராதமாம்; அதற்குக் கொலைத்தண்டமே விதி.
|
(4) உணவின்றி இறக்க நேரிட்டாலும், சிவனமுதுபடியினைப் பின்
கொடுப்போமென்றாகிலும் உண்டு உயிர் பிழைத்தலும் சிவாபராதமாம்.
|
(5) சிவாபராதத்திற்கு உரிய வினைத்தீர்வாகிய தண்டமியற்றுதலில் தந்தை, தாய்,
மனைவி, மகவு, குழவி என்று உடற்சார்பு பற்றிய பாகுபாடுகளைக் கருதுதற்கு
இயைபின்று.
|
(6) சிவச்சார்பு ஒன்றினையே பற்றி உடற்சார்புத் தொடக்குகளை அறுத்த
அந்நிலையே சிவன் வெளிப்பட்டுத் தம் கழற் சார்பு தந்தளிப்பர்.
|
(7) சிவனே, ஒருவற்கு உற்ற நித்தமாகிய அத்தன் அன்னை முதலிய எல்லாச்
சார்புகளும் ஆவன்.
|
தலவிசேடம்: திருநாட்டியத்தான்குடி:- முன்னர் உரைத்தது கடைப் பிடிக்க.
|
| 57. கோட்புலிநாயனார் புராணம் முற்றும்
|
| 10-கடல் சூழ்ந்த சருக்கம் முற்றிற்று |