| உ
சிவமயம்
திருச்சிற்றம்பலம்
|
| 58. பத்தராய்ப்பணிவார் புராணம்
_ _ _ _ _
|
| தொகை
|
| | | “பத்தராய்ப் பணிவார்க ளெல்லார்க்கு மடியேன்” | |
| - திருத்தொண்டத்தொகை - (9)
|
| வகை
|
| | அரசினை யாரூ ரமரர் பிரானை யடிபணிந்திட்
டுரைசெய்த வாய்தடு மாறி யுரோம புளகம்வந்து
கரசர ணாதி யவயவங் கம்பித்துக் கண்ணருவி
சொரிதரு மங்கத்தி னோர்பத்த ரென்று தொகுத்தவரே. | |
| - திருத்தொண்டர் திருவந்தாதி - (70)
|
| விரி
|
| 4147. | ஈசருக்கே யன்பானார் யாவரையுந் தாங்கண்டாற்
கூசிமிகக் குதுகுதுத்துக் கொண்டாடி மனமகிழவுற்
றாசையினா லாவின்பின் கன்றணைந்தாற் போலணைந்து
பேசுவன பணிந்தமொழி யினியனவே பேசுவார். 1
|
பத்தராய்ப்பணிவார் சருக்கம் :- இனி, நிறுத்தமுறையானே, ஆசிரியர்,
திருத்தொண்டத் தொகையுள் பத்தாவதாகத் திருக்கூட்டத்துட் “பத்தராய்ப் பணிவார்”
என்று தொடங்கும் பாட்டினுள் உள்ள ஏழு தன்மைப்பட்ட தொகையடியார்களது
பண்புகூறுகின்றார். தொகையடியார்களாதலின் வரலாறு பற்றிப் பேசுதற்கியைபில்லை.
|
புராணம் :- முன் உரைத்தவாறுரைக்க.
|
தொகை :- முன்கூறியாங்குக் கூறுக.
|
எல்லார்க்கும் என்ற முற்றும்மையினால் எக்காலத்தும் எவ்விடத்தும் என்று
கொள்க.
|
வகை :- அரசினை....பணிந்திட்டு - அரசரைத், திருவாரூரில் எழுந்தருளிய
தேவர்களது பெருமானைத் திருவடி வணங்கி; உரை....வந்து - கூறித் துதித்த வாக்குத்
தழுதழுத்து மயிர்க் கூச்செறிந்து; கர....கம்பித்து - கைகால் முதலிய உறுப்புக்கள்
நடுங்கி; கண்ணருவி...சொரிதரும் - கண்களினின்றும் அருவிபோலக் கண்ணீர்
சொரிகின்ற; அங்கத்தினோர் - இவ்வாறு கூறும் தன்மைபெற்ற
அங்கங்களையுடையவர்கள்; பத்தரென்று தொகுத்தவரே - பத்தராய்ப்பணிவார்கள்
என்று தொகுக்கப்பட்டவர்கள். |