| மனங்கசிந்த நிறைவுடைமையாலே முழுதும்நீறு பூசிவாழும் தூயவர்களது செயலினை
அறிந்தவாறு சொல்லப்புகுகின்றேன். 3
|
(வி-ரை) இப்பாட்டும் பல பிரதிகளில் இல்லை;
|
நாதனை - பெருமானை - அண்ணலை - என மூன்றுவகையாற் கூறியது
சரியை கிரியை யோகம் என்ற மூன்று நெறிகளின் வழிபாட்டுரிமை உணர்த்தற்கு.
|
அறியவொண்ணா - நெறியல்லா கெறியாற் றேடினாராதலின் இருவருங்
கண்டிலர் என்றார் பேராசிரியர்.
|
ஞானமான ஆரணம் - வேதங்களின் ஞானகாண்டமானவும் வேதசிரசு என்னும்
உபநிடதங்களும் ஆம்; சிவவேதியர்கள் வேதம் ஆகமம் என்ற இரண்டற்கும்
உரிமையுடையவர்.
|
உட்பொருள்கள் - உட்குறிப்பாய் இதயத்துட் கொண்டு வைத்துவிளங்கும் சிறந்த
உண்மைகள்.
|
எண்ணிய - எண்ணப்பட்ட; விதித்த.
|
சிந்தை கசிந்துள்ள அப்பூரணத்தினாலே என்க; பூரணம்; நிறைவு -
நிறைவாவது வேறொன்றற்கும் இடங்கொடாது முழுமையும் வியாபித்தல்.
|
முழுநீறு பூசி - முழுமையும் நீறு அணிந்து. “முழுவதுமெய் யணிவ ரன்றே”
(4168.) அறிந்த ஆ - அறிந்த ஆறு - தொகுத்தல் விகாரம்;
|
புனிதர் - முனிவர். 4
|
முப்போதும் திருமேனி தீண்டுவார் புராணம் - பண்பு - எப்போதும்
இனியராகிய சிவன் முகத்தில் தோன்றி, அவரருளாலே விருத்தியாகிச், சிவாகம
நெறிவழுவாமல், ஆர்வமிகும் அன்புடன் முப்போதும் சிவனை அருச்சிக்கும்
ஆதிசைவர்களாகிய முனிவர்கள் முப்போதும் திருமேனி தீண்டுவார்கள்
எனப்பெறுவார்கள்.
|
கற்பனை :- (1) சிவன் எல்லாவுயிர்க்கும் எப்போதும் இனியவர்.
|
(2) சிவவேதியர்கள் சிவ சிருட்டியாகச் சிவனைம் முகங்களினின்றும் தோன்றி
விருத்தியாயினவர்கள். |
(3) சிவ ரார்த்த பூசை சிவாகம விதிப்படி அம்முறையிற் செய்யத்தக்கன.
|
(4) சிவார்ச்சனை மூன்றுகாலமுஞ் செய்யத்தக்கது.
|
(5) எல்லாக்காலத்திலும் சிவார்ச்சனைகள் சிவவேதியர்க்கே உரியன;
ஏனையோர்க்குப் பரார்த்த பூசை உரியதன்று.
|
(6) சிவவேதியர்கள் வேதாகம மிரண்டற்கும், ஆன்மார்த்த பரார்த்த பூசைகள்
இரண்டற்கும் உரியவர்கள்.
|
(7) வேதங்களின் ஞானகாண்டத்தின் உட்பொருளாகிய சிவனது பூசையும்
சிவவேதியர்களுக்கேரியது வாகும்.
|
| 62. முப்போதும் திருமேனி தீண்டுவார் புராணம் முற்றும். |