| வருக்கம் - வரிசை; அடைத்தல் - அடைவுபடக் கூறுதல்; பெருக்கு
அம்மதுரத் தொகை - என்க; அகரம் பண்டறிசுட்டு; மதுரத்தொகை -
திருத்தொண்டத் தொகை; பெருக்குதலாவது அளவுபடாத தொகை யடியார்களை
எடுத்துக் கூறுதல்; தொகையடியார்களின் முடிபு காட்டுமிடமாதல் குறிப்பு; பண்பு கூறிப்
பெருகச் செய்தல்; கழற்கே ஒருக்கு மனத்தொடு - சார்ந்தவர் என்று கூட்டுக;
கழற்கே - உருபு மயக்கம்; தொகை என்று - தெரிக்கும் என இயைக்க; பெய் -
கட்டிய; அணிந்த; கழல் - கழலையணிந்த திருவடிக்கு வந்தது; பெருக்கும் -
என்றதனால் அப்பாலும் - என்றதற்கு இடத்தால் அப்பால் என்றும், காலத்தால்
அப்பால் - முன்னும் பின்னும் - என்றும் இதனைப் பெருக உரைத்தது விரிநூல்;
இவ்வாறன்றி ஒருக்கு மனத்தொடு என்றதனை நாவலூர் மன்னவனுடன் கூட்டி
உரைத்தனர் முன் உரைகாரர்; ஒருக்கு மனத்தொடு சார்ந்தவர் - என்க;
சார்புணர்ந்து சார்பு கெட ஒழுகுதல்; அப்பாலுமடிச்சார்ந்தார்கள் எனப்படுவோர்
தவமுதிர்ச்சியினாற் சிவகணத்தோரேயாவர் என்பது. மதுரம் - இனிமை; இன்பம்;
பேரின்பம்.
|
விரி :- 4169. (இ-ள்) மூவேந்தர்.......முறைமையோரும் - மூவேந்தர்களது தமிழ்
வழங்கும் நாடுகளுக்கு அப்பால் சிவபெருமானாரது அடியினைச் சார்ந்த
முறைமையினர்களும்; நாவேய்ந்த......பின்னும் - நம்பிகளது தெய்விக நாவின்கட்
பொருந்திய திருத்தொண்டத் தொகையிலே துதிக்கப்பட்ட திருத்தொண்டர்களாகிய
தனியடியார்களின் காலத்துக்கு முன்னும் அதன் பின்னும்; பூவேய்ந்த...அடிச்சார்ந்தாரும்
- பூக்கள் பொருந்திய நீண்ட சடையின் மேலே அடம்பு மலரும் தும்பை மலரும்
கங்கையும் கொன்றையும் பொருந்தும்படி சூடிய, இடபத்தைப் பொறித்த வெற்றி
பொருந்திய கொடியினையுடைய சிவனது திருவடியிற் சார்ந்தார்களும்; செப்பிய...தாமே -
சொல்லப்பட்ட அப்பாலு மடிச்சார்ந்தார் எனப் பெற்றவர்கள் தாமே யாவர்.
|
(வி-ரை) மூவேந்தர் தமிழ்வழங்கு நாடு - என்றது, தமிழ் வழங்காத நாடுகளும்
மூவேந்தர் கீழ் நின்றன வாதலின் அவற்றுள் தமிழ் வழங்கு நாட்டை வேறு பிரித்து
ஓதினார். பிறிதினியைபு நீக்கிய விசேடணம்.
|
தமிழ்வழங்கு நாட்டினை வேறு தணியாகக் கூறினமை திருத்தொண்டத்
தொகையுள் போற்றப்பட்ட அடியார்கள் பெரும்பான்மையும் தமிழ் வழங்கு நாட்டினுட்
சேர்ந்தவர்களாதலின் என்க; தமிழ் வழங்கும் நாடல்லாத பிறமொழி வழங்கும் 17
நாடுகளிலும் சிவனடிச் சார்ந்த தொண்டர்களுண்டு என்பதாம்; இவர்கள் இடத்தால்
அப்பாலும் அடிச்சார்ந்தார். இவை சிங்கள முதலாகக் கூறப்படும்.
|
திருத்தொண்டத் தொகை.......முன்னும் பின்னும் என்பது காலத்தால்
அப்பாலும் அடிச்சார்ந்தார்களைக் குறித்தது. காலத்தாலும் பெரும்பான்மை பற்றி
அடியார்கள் திருத்தொண்டத் தொகையுட் டனித்தனி எடுத்துக் கூறப்பட்டார்கள். முன்
- இறந்த காலத்தினையும், பின் - என்பது எதிர்காலத்தினையும் உணர்த்த நிறுத்தித்
திருத்தொண்டத் தொகையுட் போற்றப்பட்ட அடியார்களின் காலத் தொகுதியை
நிகழ்காலமாக வைத்து, முக்காலத்தும் என விரித்த நிலை கண்டு கொள்க.
|
அப்பாலும் - இடத்தாலும் காலத்தாலும் அப்பால்என்று விரிநூலுள் உரை
விரித்தனர் ஆசிரியர். சைவத்தின் பரந்த முற்றிய நிலையினை நாட்டிக்
காட்டியருளுவது இத்திருப்பாட்டு.
|
அடிச்சார்ந்தார் - திருவெண்காட்டடிகள் முதலாயினோர். இப் பாட்டால்
சைவத்தின் சமரசம் நன்கு விளங்குதல் காண்க என்றும், சைவத்தைத் தமிழ்
|