வகை :- பதும.......என்று - தாமரையின் நல்லமலர் போன்ற பாதத்தையுடைய
சிவனுக்கு ஒரு கோயிலை யான் விரைவாக அமைப்பது எப்போது என்று கவன்று;
கண்டுயிலாது....என்பர் - கண் உறக்க மின்றி அதனையே பகலுமிரவும் தமது மனத்தில்
நினைந்து அந்நினைப்பினாலே கோயில் எடுத்துத் திருவருளினைப் பெற்றது என்று
எடுத்துக் கூறுவர்; புது...பூசலையே - புதிய மணற் கானல்வழியே தென்றற் காற்று வந்து
வீசுதற்கிடமாகிய திருநின்றவூரில் வந்த பூசலார் நாயனாரையே.
 

     கோயிலைச் செய்குவதென்று கொலாம் - நிதியின்மையால் கோயில் அமைக்க
வழியின்றி வேறு எவ்வாற்றானமைப்பேன் என்று கவலைப்பட்ட நிலை;
கண்துயிலாது........நினைந்து - தூக்கமின்றி அப்பொருளையே நாள்தோறும் எண்ணி;
எல்லி - பகல்; இங்கு நாள்என்ற பொருளில் வந்தது. எல்லி தோறும் - நாடோறும்;
நினைந்து - நினைப்பினாற் கோயில் அமைத்து; “நினைவினை” (4171) என்பது
விரிநூல்; பூசலைப் (பற்றி) - நினைந்தருள் - பெற்றது - என்பர் என்று கூட்டுக.
நினைந்து - பெற்றது என்க.