“மெய்ப்பெரு........வருக” - அங்கு எய்தினர் பூசல் கோயில்
செய்ததொன்றில்லை என்று சொல்லவே, அவர் அறியார், மறையோர் அறிகுவர் என்று
கொண்டு மறையோரைக் கூறினான் என்பதாம். அவருள்ளும் சிலர் அறிந்தும் சிலர்
அறியாமலுமிருத்தல் கூடுமாதலின் எல்லாம் வருக என்றான் என்பதாம்; பூசலன்பர் -
இருபெயரொட்டு; புடை - இடம், மெய்ப்பெருமறையோர் - ஆதிசைவர் என்ற
குறிப்புப் போலும்; “சூழ்ந்த பெருமறை யவர்கு ழாமும் நம்பியும்” (தடுத் -புரா-65). 12
|
| 4183. | பூசுர ரெல்லாம் வந்த புரவலன் றன்னைக் காண
“மாசிலாப் பூச லார்தா மா?” ரென, மறையோ ரெல்லாம்,
“ஆசில்வே தியனிவ் வுரா” னென்றவ ரழைக்க வொட்டான்
ஈசனா ரன்பர் தம்பா லெய்தினான் வெய்ய வேலான். 13
|
(இ-ள்) பூசுரர்...காண - வேதியர்களெல்லாரும் வந்து அரசனைக்காண;
மாசிலா.....ஆர் என - குற்றமற்ற பூசலார் தாம் யாவர்? என்று கேட்க;
மறையோர்.....ஒட்டான் - அதற்கு மறையோர்கள் எல்லாம் அவர் குற்றமற்ற வேதியர்;
இவ்வூரினர் என்றவர்களை அவரைப் போயழைக்க வொட்டாமல்;
ஈசனாரன்பர்...வேலான் - இறைவரது அன்பராகிய பூசலாரிடத்தில் வெவ்விய
வேலையுடைய அரசன் சென்று சேர்ந்தனன்.
|
(வி-ரை) பூசுரர் - நிலத்தேவர்; மறையவர்; புரவலன் - அரசன் -
உலகங்காக்கின்றவன்.
|
என்றவர் - என்ற அவர்களை; அழைக்க வொட்டான் - அவர்கள் போய்
அவரை அழைத்து வருதலை இசையாதவனாகி.
|
ஒட்டான் - ஒட்டாதவனாகி;
|
எய்தினான் - தான் சென்று சேர்ந்தனன்; வெய்ய வேலான் - வெய்ய
வேலானாயினும் அன்பரிடம் விதிப்படி பணிதல் வேண்டி என்றபடி.
|
ஒட்டா - தீசனார் - மாசிலாப்பூசலார் - என்பனவும் பாடங்கள். 13
|
| 4184. | தொண்டரைச் சென்று கண்ட மன்னவன் றொழுது “நீரிங்
கெண்டிசை யோரு மேத்த வெடுத்தவா லயந்தான் யாதிங்
கண்டர்நா யகரைத் தாபித் தருளுநா ளின்றென் றும்மைக்
கண்டடி பணிய வந்தேன் கண்ணுத லருள்பெற்” றென்றான். 14
|
(இ-ள்) தொண்டரை.....தொழுது - சென்று அத்தொண்டர் பெருமானைக் கண்ட
அரசர் அவரைத்தொழுது; நீர்.........யாது - தேவரீர் இவ்விடத்து எத்திசையார்களும்
போற்றும்படி எடுத்த கோயில் எது?; இங்கு.......என்று - ஈண்டுத் தேவர் பெருமானாகிய
சிவபெருமானை அத்திருக்கோயிலில் தாபித்தருளும் நாள் இன்று என்று தெரிந்து;
உம்மை...பெற்று என்றான் - கண்ணுதற் பெருமானது திருவருளினால் அவ்வாற்றினைத்
தெரிந்தவதனால் உம்மைக்கண்டு திருவடி தொழுவதற்கு வந்தேன் என்று சொன்னார்.
|
(வி-ரை) நீர் இங்கு.......அருள்பெற்று - என்றது அரசர் பூசலாரை நோக்கிக்
கூறி வினாவியது.
|
எண்டிசையோரும் ஏத்த - இறைவர் இத்திருப்பணியினை ஏற்றருளுதல்
அறிவிக்க அறிந்தானாதலின் எல்லாரும் பரவும் நிலைமையினது என்றான். தான் எடுத்த
கோயில் போன்ற தொன்றெனக் கருதினான் என்றலுமொன்று. |