4202. (வி-ரை) தரையிற் புடைப்ப - தரை - நிலம்; புடைப்ப -
புடைத்ததனாலே எனக் காரணப்பொருளில் வந்தது.
|
சிலம்பிதானும் உயிர்நீங்க - சிலம்பி தானும் - யானை வீழ்ந்திருந்ததனோடு
சிலம்பியும் என உம்மை இறந்தது தழுவிய எச்சவும்மை.
|
மறையிற்பொருள் - வேதங்களின் பொருளாவார் இறைவர். தரும் ஆற்றல் -
தருகின்ற முறையாலே; ஆறு - வழி; வரங்கொடுத்து - சிவபதம் கொடுத்து.
பனைமரங்களும் சிவத்தை அடைந்த நிலை கருதுக (2581).
|
நிறை - உலகை முறைசெய்து நிறுத்துதல். பொறுமை என்றலுமாம். 6
|
4203. (வி-ரை) தொன்மைதரு - பழைமையாகிய படைப்புக் காலமுதல் என்பர்.
பெருந்தேவி - பட்டத்தரசி.
|
திருப்படி - திருக்களிற்றுப்படி, பஞ்சக்கரப்படி,
|
திருவடிக்கீழ் - என்பதும் பாடம்.
|
4204. (வி-ரை) மக்கட்பேறின்மையினால் - மகவில்லாமையால்; பிள்ளைப்
பேறின்மையினால்” (875); “மகவி லாமையின் மகிழ்மனை வாழ்க்கையின் மருண்டு”
(2938). வரம் - வேண்டும் பொருள்.
|
செக்கர் - செவ்வானம்.
|
திருவுள்ளஞ் செய்தல் - வரந்தருதல்.
|
மிக்க திருப்பணி - மிக்க - யானை, புனலாலும் மலராலும் வழிபாட்டினளவில்
ஒழுகச், சிலம்பி அதனின் மிக்கதாகிய, இறைவரது திருமுடிமேற் சருகுவிழாதபடி
திருப்பணியாய் திருமேற்கட்டியிழைத்தது; வழிபாட்டினும் மிக்க என்றபடி; ஒரு முறை
யானை அழிக்க மறுபடியும் என மேல் மேல் மிக்கதாய் இவ்வாறு என்றலுமாம். சிலம்பி
தன் சிறிய ஆற்றலுக்கு மிகுந்த என்றலும் பொருந்தும். வாய் நூலின் மிகுதிப்பாடாகிய
அளவு என்றலுமாம்; இவ்வாறு பலவும் கண்டு கொள்க.
|
திருப்பணி - இறைவர் தனது மேற்கட்டியின் கீழேதங்கும் கோயிலாக
அமைத்ததனால் திருப்பணி என்றார்.
|
அக்கமலவதி -அகரம், முன்பாட்டிற்கூறிய அந்த என்று முன்னறிசுட்டு.
|
அணிமகவு - அணி - சிவனுக்குக் கோயில் அமைக்கும்; அழகிய என்றலுமாம்.
வயிற்றில் - வந்து - அடைய - கருப்பத்துள் வந்து புக; “பனியிலோர்
பாதிசிறுதுளி மாது பண்டியில் வந்து புகுந்து” (உடற்கூற்று வண்ணம்); “விழுங்கரு
விற்றான்” (போதம்); “ஆவி வைத்தார்” (தேவா).
|
மாதேவியார் தமக்கு - என்பதும் பாடம். 8
|
4205. (வி-ரை) கழை ஆர் தோளி - கழை - மூங்கில்; ஆர் - உவமவுருவு;
பெண்களின் தோள்களுக்கு மூங்கிலினை உவமை கூறுதல் மரபு; பசுமை, நயப்பு, திரட்சி
முதலிய பண்புகள் பொதுத்தன்மை.
|
கருப்பநாள் - கருப்பமுற்றி மகவு பிறத்தற்குரிய நாள் எல்லை. 280 நாள் முதல்
300 நாள்கள்வரை இதன் எல்லை என்று கணக்கிடுவர்.
|
விழைவு ஆர்மகவு - விழைவு - பெருவிருப்பம்; நீண்டகாலம் பிள்ளைப்
பேறின்றி இறைவர்பால் வரம்வேண்டிப் பெற்றமகவாதலின் விழைவார் என்றார்;
யாவரும் விரும்பும் என்றலுமாம்.
|
| மகவு பெற அடுத்த வேலை - பிள்ளை பிறக்கும் நேரம். |