| உ
சிவமயம்
திருச்சிற்றம்பலம்
|
| 71 . இசைஞானி யம்மையார் புராணம்
_ _ _ _ _
|
| தொகை
|
| | “என்னவனா மரனடியே யடைந்திட்ட சடையன்
இசைஞானி காதலன் றிருநாவ லூர்க்கோன்” | |
| - திருத்தொண்டத் தொகை - (11)
|
| வகை
|
| | பயந்தாள் கறுவுடைச் செங்கண்வெள் ளைப்பொள்ள னீள்பனைக்கைக்
கயந்தா னுகைத்தநற் காளையை யென்றுங், கபாலங்கைக்கொண்
டயந்தான் புகுமர னாரூர்ப் புனித வரன்றிருத்தாள்
நயந்தா டனதுள்ளத் தென்று, முரைப்பது ஞானியையே” | |
| - திருத்தொண்டர் திருவந்தாதி - (85)
|
| விரி
|
| 4228. | ஒழியாப் பெருமைச் சடையனா ருரிமைச் செல்வத் திருமனையார்
அழியாப் புரங்க ளெய்தழித்தா ராண்ட நம்பி தனைப்பயந்தார்
இழியாக் குலத்தி னிசைஞானிப் பிராட்டி யாரை யென்சிறுபுன்
மொழியாற் புகழ முடியுமோ முடியா தெவர்க்கு முடியாதால். 1
|
புராணம் ;- இசைஞானியம்மையாரது வரலாறும் பண்பும் கூறும் பகுதி.
பன்னிரண்டாவது, மன்னியசீர்ச் சருக்கத்துள், ஆறாவது, இசைஞானியம்மையார்
புராணங்கூறுகின்றார்; இசைஞானி - எடுத்துரைக்கப்படும் புகழ்களையுடைய ஞானி
என்ற பெயருடையவர்.
|
தொகை ;- இசைஞானி யம்மையாருடைய மகனார் திரு நாவலூர்த் தலைவராகிய
நம்பியாரூரர்.
|
வகை ;- பயந்தாள் கறுவுடை.....காளையை என்றும் - கறுவுதற் பண்பும்,
செங்கண்ணும், வெள்ளை நிறமும், துளையுடைய நீண்ட பனைபோன்ற கையும், ஆகிய
இவற்றையுடைய யானையினை மேல்கொண்டு திருக்கயிலைக்குச் செலுத்திய காளையைப்
பெற்றெடுத்தவ ரென்றும்; கபாலம்......உள்ளத்து என்றும் - பிரமகபாலத்தினைக் கையில்
ஏந்திப் பலிஏற்கும் அரசனாரும், திருவாரூரில் எழுந்தருளிய புனிதரும், ஆகிய
இறைவரது திருவடிகளைத் தன்னுள்ளத்து விரும்பி வைத்துள்ளவர் என்றும்;
|