கூட்டமொன்பானோடு - திருக்கூட்டம் - தொகையடியார்களாகப்
போற்றப்படும் ஒன்பதனோடு; இவர்கள் தில்லைவாழந்தணர்கள், பொய்யடிமையில்லாத
புலவர், “பத்தராய்ப் பணிவார்கள் எல்லார்க்குமடியேன்” என்ற திருப்பாட்டிற்
போற்றப்பட்ட ஏழு திறத்தினர் ஆக ஒன்பதினமர். தனிப்பெயர் அறுபத்து மூன்று -
திருநீலகண்டக் குயவனார் முதலாகத் திருநீலகண்ட யாழ்ப்பாண ரீறாகத் தனித்தனி
அடியேன் என்று போற்றப்பட்ட அறுபதின்மருடன், அரனடியே அடைந்திட்ட
சடையன் (1), இசைஞானி (2), காதலன் றிருநாவலூர்க்கோ னன்னவனா மாரூரன் (3)
என்ற மூவரும் சேர்த்து அறுபத்து மூவராவர்; ஈட்டும் பெருந்தவத்தோர் - மீட்டிய
பெருந்தவத்தவர்கள்; தவம் - சிவபூசைப்பயன்; வினையை....திருத்தொண்டத்
தொகை - திருத்தொண்டத் தொகையின் பயனாவது வினையை வீட்டுகின்ற
தவநெறியிற் செலுத்துவதாம். வகைப்பாட்டும் - வகைப்படுத்தி ஓதியபாட்டுக்களையும்;
திருநாவலூராளி - நம்பியாரூரர்.