தினையுடைய இறைவர்; தம் கயிலையில்....கூட - தமது திருக்கயிலையில் சிவகணத்த
வர்களுடன் கூட இருக்கும்படி; தடுத்த....முடிந்திட - முன்னர்த் தடுத்து உலகில்
அவதரிக்கும்படி ஆணையிட்ட செய்கையின் அளவு தீர்ந்திட; தங்கழல்....அளிக்கின்றார்
- தமது திருவடிச் சார்பினைத் தந்தருள்கின்றாராகி. 30
|
4259. (இ-ள்) மன்றல்.....பொழுதின் கண் - மணமுடைய அழகிய மரங்கள்
நெருங்கிய பூங்கயிலாயத்தில் மலைவல்லியாருடனே கூட வெற்றி பொருந்திய வெள்ளிய
இடபத்தின் பாகர் எழுந்தருளியிருந்த பொழுது; ஒன்று.....அருள்செய்தார் - நம்முடன்
ஒன்றித்த சிந்தையினை யுடைய நமது நம்பியாரூரனைத் தேவருடைய
வெள்ளானையுடன் சென்று அதன் மீது ஏற்றிக் கொண்டு இங்கு வாருங்கள் என்று
பிரமன் முதலாகிய தேவர்களுக்குக் கட்டளை யிட்டருளிச் செய்தார். 31
|
இந்த இரண்டு பாட்டுக்களும் தொடர்ந்து ஒரு முடிபு கொண்டன.
|
4258. (வி-ரை) உட்குறிப்பு - பதிகம் பாடும் திருவுள்ளக் குறிப்பு. கருதிய
பொருள்; உட்கிடையாகிய விண்ணப்பம்.
|
உலகினில் பாசம் - உலகில் வருதற் கேதுவாகிய தொடக்கு; அடுத்த -
பாசத்தால் பொருந்திய;
|
கணத்தவருடன் கூடக் - கழற் சார்புதந்து - கூடுதற் கேதுவாகிய
திருவடிச்சார்பு.
|
தடுத்த செய்கை - முன்கணத்தவருடன் கூடியிருந்ததனைத் தடுத்த ஆணை;
“மாதர் மேன்மனம் வைத்தனை தென்புவி, மீது தோன்றி....அணைவாய்” (37)என்ற
செய்கை; முடிந்திடுதல் - எல்லையறுதல்; “குறுகிட” (4256) என்ற கருத்து; முடிந்திட -
முடிந்திடுதலால்.
|
கழற்சார்பு - கழலை நீங்காது சார்ந்திருக்கும் நிலை; அளிக்கின்றார் -
முற்றெச்சம். அளிக்கின்றாராகிப் - பொழுதின்கண் - அருள்செய்தார் - என
மேல்வரும் பாட்டுடன் முடிக்க.
|
4259. (வி-ரை) பொழுதின் கண் - விடையின்மீது மலைவல்லியுடன் கூட
இருந்து அருள் செய்தார். இஃது அடியார்களுக் கருளும் நிலை.
ஒன்று சிந்தை - சிவராச யோகத்தால் இரண்டற்றுத் தம்மையே மனத்துட்
கொண்ட நிலை “ஒன்றியிருந்து நினைமின்கள்” (தேவா); “காதலாற் பெருகன்பு புரியு
முள்ளத்தார்” (4259).
|
உம்பர் வெள்ளானை - தேவருலகத்துள்ள வெள்ளையானை; இந்திரனது
ஐராவதம் என்பது. அதுவன்று, கயிலையிலுள்ள ஐராவணம் என்பாருமுண்டு. ஊரன் -
நம்பியாரூரன். உம்பர் - உவ்விடத்துள்ள என்றலுமாம்.
|
உடன் ஏற்றிக்கொண்டு - உடன் சென்று அதன் மிசை ஏற்றிக்கொண்டு; சென்று
அதன் மிசை என்பது இசை எச்சம்.
|
கொண்டுவாரும் - அழைத்துக்கொண்டு வாருங்கள்.
|
அருள் செய்தல் - கட்டளை யிடுதல். 31
|
திருவஞ்சைக்களம்.
|
திருச்சிற்றம்பலம் பண் - இந்தளம்
|
| | தலைக்குத் தலைமாலை யணிந்த தென்னே
சடைமேற் கங்கைவெள்ளந் தரித்த தென்னே
அலைக்கும் புலித்தோல்கொண் டசைத்த தென்னே
யதன்மேற் கதநாகக்கச் சார்த்த தென்னே | |