4274. (வி-ரை) அடியனேன்...வரப்பெற்றேன் - புன்முறுவல்பூத்து இங்கு நாம்
அழையாமை நீ வந்ததென்? என்று வினவியருளியதற்குச் சேரனார் கூறிய விடை;
முதலாவது, அடியேன் இங்கு வரக்கருதி வரவில்லை; நம்பியாரூரைப் பிறிவின்றிச்
சேவித்துவருதலையே கருத்தாகக்கொண்டு யானையின்முன் அவரைச்
சேவித்துக்கொண்டே வந்தனன்; அச்சேவை அடியேனைத் தேவரீரது திருவணுக்கன்
றிருவாயில்வரை கொண்டுவந்து விட்டது; இரண்டாவது, இனி, அதன்மேல் இங்குத்
திருமுன்பு வந்த செயலும் அடியேனது செயலாவதன்று; தேவரீரது அருளிப்பாடு
என்னும் கருணைப் பெருவெள்ளம் என்னை உந்திக்கொண்டு வந்து திருமுன்பு
புகுத்தியது. இது வழியும் அடியேன் இங்கு வரவேண்டும் என்ற முனைப்பின்றித்
திருவருட் செயலாகவே வரப்பெற்றேன் என்றதாம்; இஃது அரசனாரது சொற்பெரு
வன்மையும், தற்போதமிழந்த பேரடிமைத் திறமும் ஆம்; இவை கண்டு பின்பற்றி
உலகம் உய்யத்தக்கது. புரசை - யானைக் கழுத்திடு கயிறு. "உடையா னடியா ரடியா
ருடன் போய்ப், படையா ரழன்மேனி பதிசென்று புக்கேன், கடையார நின்றவர்
கண்டறிவிப்ப, வுடையான் வருகென வோலவென் றானே" திருமந் II. 211.
|
தெள் - திரை - செய் - வெள்ளம் - கொடுவந்து புகுத்தலின் -
அலையினாலும், பெருவெள்ளமாம் தன்மையாலும், அதனகப்பட்டுப் புகுத்தப்பெற்றேன்
என்றது அவரது திருவருளின்றி நிகழ்ச்சி யொன்றுமில்லை என்றபடி. இறைவர்
அருளின்படி நந்தியெம்பெருமான் "வானவர்க்கு அருளிப்பாடு" என்று அழைத்தருளிய
செயலைக் குறித்தது.
|
கொன்றைசேர் வேணியாய் - சிவனுக்குரிய சிறப்பாகிய கொன்றைத்
திருவடையாள மாலை. நியதியாய்த் தாம் வழிபட்ட திருவஞ்சைக்களத்தினின்றும்
வழிபட்டுப் போந்தமையால் அது அப்பதியின் தல மரமாதலும் குறிப்பு.
|
| புகுதலின் - என்பது பாடம். |
| 46
|
4275. (வி-ரை) பெருகும்.....துதிப்பரும் பெருமையாய் - தேவரீரது பெருமை
துதித்தற்கும் அரியது. உமது வாய்மொழியாகிய பெரிய வேதங்களாலும், உம்மையே
உணர்ந்து உள்ளந் தழுவிய பெரு முனிவர்களாலும் துதித்தற்கரியது; ஆயின்
வேறுயாவர் துதிக்க வல்லார்?
|
அன்பால் உனைத் திருவுலாப்புறம் பாடினேன் - அவ்வாறாதல் அறிந்துவைத்தும், திருவுலாப்புறம் பாடி உன்னைத் துதித்தேன். என்னை? எனின்,
அஃது அன்பின் றிறத்தலாகியதன்றி நான் துதிப்பேன் என்ற எண்ணத்தலாகியதன்று
என்பது.
|
திருவுலாப்புறம் - புறப்பாட்டின் வகையுள் ஒன்றாகிய திருவுலா என்னும் நூல்.
புறத்திணைகள் பன்னிரண்டனுள், புறப்புறம் என்னும் பாடாண் திணையுள் வருவது.
அதன் துறைகள் 47-ல் கடவுள்மாட்டு மானிடப் பெண்டிர் நயந்த பக்கம் என்ற
துறையுள் முற்பகுக்கப்பட்டது. இதுவே முதலிற் பாடப்பட்டதாதலின் ஆதியுலா
என்றும், சிவஞானமே கருத்தாகப் பதிபோதத்தால் கயிலை நாயகர்மேல்
அருளப்பட்டதாதலின் திருக்கயிலாய ஞானவுலா என்றும், தெய்வத்தன்மை
வாய்ந்ததாதலின் தெய்வவுலா என்றும் பலவாறும் விதந்து போற்றப்படுவது.
|
திருச்செவி சாத்திடப் பெறவேண்டும் - கேட்டருளுதல் வேண்டும்.
கேட்டலாவது அருள்புரிதல்.
மருவு.....வைத்தாய் - மருவுபாசம் - ஆன்மாவுடன் சகசமாயுள்ள
ஆணவமலமும் வாசனாமலமும்; வன்றொண்டர் கூட்டம் வைத்தாய் - முன்னர்
அவரை நினைப்பித்துச் சாரச்செய்த திருவருட்செயல் (3791); மருவுபாசத்தை
அகன்றிட என்றது |