2986.	விண்ணவர் தொழுதெழு விசய மங்கையை
	நண்ணிய புகலியுள் ஞானசம் பந்தன் பண்ணிய செந்தமிழ் பத்தும் வல்லவர் புண்ணியர் சிவகதி புகுதல் திண்ணமே.        11

திருச்சிற்றம்பலம்

     10. பொ-ரை: கஞ்சி உண்ணும் புத்தர்களும், கவனமாக உணவு
உண்ணும் சமணர்களும் உரைக்கின்ற கருத்துக்கள் நஞ்சினும்
கொடியனவாகும். நம்மவர்கள் அவற்றை ஏற்றுக் கொள்ளார். சிவந்த
சடைமுடியுடைய தேவாதி தேவனின் நல்ல நகரம் வித்தியாதரர்கள் தொழுது
வணங்கும் திருவிசயமங்கை என்னும் திருத்தலமாகும்.

     கு-ரை: கவணர் - மாறுபட்ட தன்மையை யுடையவர்கள், வடசொல்.
கஞ்சியும் கவளமும் உண்பவர், முறையே சமணரும் புத்தரும் ஆவார்.

     11. பொ-ரை: விண்ணவர்கள் தொழுது வழிபடும் திருவிசயமங்கை
என்னும் திருத்தலத்தை அடைந்து, திருப்புகலியில் அவதரித்த
ஞானசம்பந்தன் அருளிய இச்செந்தமிழ்ப் பாக்கள் பத்தினையும் ஓத
வல்லவர்கள் சிவபுண்ணியச் செல்வர்களாவர். அவர்கள் சிவகதி அடைவது
உறுதியாகும்.

     கு-ரை: ஞானசம்பந்தன் பண்ணிய செந்தமிழ் பத்தும் வல்லவர். சிவ
புண்ணியச் செல்வர் ஆவர். அவர்கள் சிவாநந்தப் பெரு வாழ்வு அடைவது
திண்ணம்.