பதிக வரலாறு:

     சண்பை ஆண்டகையார், திருவேட்களத்தில் தங்கியிருந்து ஐயன்
திருக்கூத்துக் கும்பிட அணைவுறும் நாள்களுள், திருக்கழிப் பாலையுள்
செம்மாலை வேணித் திருவுச்சிமேவி உறை அம்மானை அணைந்துபாடிய
மெய்ம்மாலைச் சொற்பதிகம் இது.

பண்: கௌசிகம்

திருச்சிற்றம்பலம்

3267.	வானி லங்க விளங்கு மிளம்பிறை
	தான லங்க லுகந்த தலைவனார்

     1. பொ-ரை: நெருப்பிலிடப்பட்ட குங்கிலியத்தின் புகைப்பெருக்கால் நறுமணம் கமழும் திருக்கழிப்பாலையில் வீற்றிருந்தருளும் சிவபெருமான்
அழிவில்லாதவர். இன்ன தன்மையர் என்று அளந்தறியமுடியாதவர்.
அப்பெருமானின் சாந்தநிலையும் அளக்கொணாத தன்மையுடையதாகும்.

     கு-ரை: விம்ம - மிக. அந்தமும் அளவும் எனவே, ஏனைய ஆக்கமும்
கொள்ளப்படும். "ஆக்கம் அளவு இறுதியில்லாய்" என்பது திருவாசகம்.
ஆக்கம் - பிறப்பு. அந்தம் - இறப்பு. அறியாத - அறியப்படாத;
செயப்படுபொருளுணர்த்தும் படுவிகுதி குன்றியது, அறியப்பாடாத என்று
கூறினாரேனும் இல்லாத என்பது பொருள். சந்தம் - தன்மை. அது
திருக்கோவையாரில் "அடிச்சந்தம்" என வருவதாற் காண்க. அவர் மேவிய
சாந்தம் - அவர் மேவிய சாந்தநிலையும் அத்தகையதே (அறியப்படாததே).
என்பது குறிப்பெச்சம். ஆல் - ஆசை.

     2. பொ-ரை: வானம் பிரகாசிக்க விளங்கும் இளம்பிறைச் சந்திரனை
மாலைப்போல் விரும்பி அணிந்த தலைவரான சிவ