திருச்சிற்றம்பலம்

11. பொ-ரை: நறுமணத்தைத் தருகின்ற தாமரை மலர்மேல் இருக்கின்ற பிரமனும், திருமாலும் அச்சங் கொள்ளும்படி, அவர்கள் முன் தீப்பிழம்பாய் நீண்டு நின்றவனாகிய, அலைகளை வீசுகின்ற கடல்நீர் சூழ்ந்த திருமுல்லைவாயிலில் எழுந்தருளியிருக்கின்ற பெருமானை, திருநாவலூரில் தோன்றிய நம்பியாரூரன் பாடிய பாடல்களாகிய பத்தினையும், மனம் குளிர்ந்து பாட வல்லவர்கள், நரையும் திரையும் மூப்பும் சாக்காடும் இன்றி, தேவர்களுக்கு அரசராகும் நிலையை அடைவர்.

கு-ரை: "மூப்பும்" என உம்மை கொடுத்துப் பிரித்து, நடலையை வேறு ஓதினமையால், அஃது இறப்பாயிற்று. நடலை - துன்பம். அஃது அப் பெருந்துன்பத்தைக் குறித்தது. "அரசு" என்றது, அரசராகும் தன்மையை என்க.