2. பொ-ரை: பசுக் கூட்டத்துள், இளைய ஆனேறு, கேட்டவர் மனம் துண்ணென்று வெருவுமாறு ஒலிக்கின்ற குரலுக்கு அஞ்சி, வயல்களில் உள்ள வாளைமீன்கள் ஓடவும், செவ்வரிகளையுடைய கயல்மீன்கள் தாமரைப் பூக்களில் ஒளியவும், பகையில்லாத மனத்தை உடைய சான்றோர் அவற்றைக்கண்டு இரங்குதல் பொருந்திய திருவாஞ்சியத்தில் எழுந்தருளியிருக்கும் இறைவர், குற்றமற்ற வெள்ளிய நீற்றைப் பூசுதல், சிறந்ததொரு கருத்தை உடையது.

கு-ரை: அக் கருத்தாவது, உலகிற்குப் பற்றுக்கோடு தாமே என்பது. இதனை,

"வெந்த சாம்பல் விரையெனப் பூசியே
தந்தை யாரொடு தாய்இலர்"

(தி. 3 ப. 54 பா. 3)

என்ற திருப்பாசுரத்திற்கு,