4. பொ-ரை: மை பொருந்திய பெரிய கண்களையுடையவளும், இளமையான சொற்களையுடையவளும் ஆகிய குறமகள் தினைப்புனத்தைக் காத்தற் பொருட்டுப் பலவிடத்தும் நன்றாகத்திரிந்து 'ஆயோ' என்று சொல்லி ஓட்டவும், போகாது விடுதலினாலே வருந்தி, கையிற் பொருந்திய கவணால் மணியாகிய கல்லை வீச, சிவந்த வாயினை யுடைய கிளி அஞ்சி ஓடி ஒலிக்கின்ற, 'திருப்பருப்பதம்' என்னும் மலையே, எங்கள் சிவபிரானது மலை.

கு-ரை: விளிதல் - இறத்தல்; அது, பெருந்துன்பம் எய்துதலைக் குறித்தது. பாடுதல் - ஒலித்தல். குறமகள், 'ஆயோ' என்று பாடியதற்கு எதிராகக் கிளி தானும் பாடிடும்' என்பது நயம். இரண்டாவது, நான்காவது அடிகளில் இன எதுகை வந்தது. இதனானே, 'மையார்' எனவும், 'கைபாவிய' எனவும் ஓதுதல் பொருந்தாமையறிக.

5. பொ-ரை: ஆண் யானைகளின் கூட்டம், தனது பெண் யானைகளின் கூட்டம், சாரலிற் பல இடங்களிலும் சென்று திரிதலினால் அதனைக் காணாது, தேடி ஓட, சென்ற இடங்களில் அப்பெண் யானைகளின் கூட்டமும் ஆண் யானைகளின் கூட்டத்தைக் காணாது அதன்