பொருட்கண் வந்தது. இறைவரது திருமேனி யழகினை வியந்தருளிச் செய்வார், இடையே, அவரது திருவருள் அழகினையும் வியந்தருளிச் செய்தார் என்க.

4. பொ-ரை: வாளை மீன்கள் துள்ள, மலங்கும், இளமையான கயலும், வரிகளையுடைய வராலும் ஆகிய மீன்கள் பிறழ்கின்ற கழனிகளில் பக்கம் எங்கும், பாளையையுடைய கமுக மரங்கள் சூழ்ந்துள்ள திருப்பனையூரின்கண் எழுந்தருளியிருக்கின்ற, திரண்ட தோள்களும், அகன்ற மார்பும் பொலிவுற நடனத்தை அமைத்து ஆடுபவரும், தம் அடிக்குத் தொண்டராயுள்ளாரை ஆளுமாறு வல்லவரும் ஆகிய அவரே, யாவரினும் மிக்க அழகுடையர்.

கு-ரை: "கமுகம்" என்றதில், அம் அல்வழிக்கண் வந்த சாரியை. "தோளும் ஆகமும் தோன்ற" என்ற விதப்பு, 'திரண்ட தோள்' அகன்ற ஆகம்' என்பவற்றைத் தோற்றுவித்தது. நட்டம் இட்டு ஆடுதல், நடன முறைப்படி ஆடுதல்.

5. பொ-ரை: மகளிர் பலரும் மூழ்கி விளையாடுதலினால், குளத்து நீரில் குவளைப் பூக்கள் மலர, அவற்றிற்கு எதிராகத் தாமரை மலர்கள் மலர்கின்ற வயல்களையுடைய திருப்பனையூரில் எழுந்தருளியிருக்கின்ற , உமையையுடைய ஒரு பாகத்தையும், திருமாலை உடைய