திருச்சிற்றம்பலம்

10. பொ-ரை: 'வேதத்தை ஓதுகின்ற வேதியர்களும், வேதத்தின் பொருளை விளங்குபவர்களும் வாழ்கின்ற, பரந்த நீரையுடைய திருமிழலையுள், பழைதாகிய வீழி மரத்தினது நிழலை இடமாகக் கொண்டவரே, அடியேனுக்கும் அருள் செய்யீர்' என்று பாடிய, இனிய இசையை வண்டுகள் பாடுகின்ற நீண்ட சோலைகளையுடைய திருநாவலூரில் தோன்றினவனும், வன்றொண்டனும் ஆகிய திருநாவலூல் தோன்றினவனும் ஆகிய நம்பியாரூரனது இந்நல்ல தமிழ்ப்பாடல்களை, அப்பெருமான் திருவடிக்கீழ் நின்றுபாட வல்லவர், அவனோடு இரண்டறக் கலப்பர்.

கு-ரை: "நீதியது" என்றதில் அது, பகுதிப் பொருள் விகுதி. "நீதியர்" என்பது பாடம் ஆகாமை யறிக. "ஆதி" என்றது, 'பழையது' என்னும் பொருளது, "என்று" என்றதன் பின், 'பாடிய' என்பது எஞ்சி நின்றது. "பரன்" எனப் பின்னர் வருகின்றமையின், "பாதம்" என, வாளா அருளினார். 'பாதத்தின் கண்' என, ஏழாவது விரிக்க.