7. பொ-ரை: ஆண் பறவைக் கூட்டம், பெண் பறவைக் கூட்டத்துடன் வந்து சேர்கின்ற சோலையையுடைய திருவாரூரில் எழுந்தருளியிருக்கின்றவரே, எங்களுக்குப் பொருந்திய பெருமானிரே, உமக்கு அடிமைப்பட்டோர்க்கு உண்டாகும் பயன் இதுதானோ? நீர் எனக்கு உம்மை மறவாத மனத்தைக் கொடுத்து, பின்பு ஒரு மாயத்தை உண்டாக்கி, அது காரணமாகப் பிறவியிற் செலுத்தி, உடம்பைக் கொடுத்து, இப்போது கண்ணைப் பறித்துக்கொண்டால், நீரே இனிது வாழ்ந்துபோமின்!

கு-ரை: "பேடை" என்றதனால், 'ஆண்பறவை' என்பது பெறப்பட்டது; அவற்றை, "ஆயம்" என்றதனால், "பேடை" என்றதும் அன்னதாயிற்று. மறவாமனம் காட்டியது, திருக்கயிலையில் அணுக்கத் தொண்டராகச் செய்தது எனவும், மாயங்காட்டியது, மாதர்மேல் மனம் போக்கச் செய்தது எனவும் கொள்க.

8. பொ-ரை: அடிகளே, யாங்கள் இழிவில்லாத உயர்குலத்திலே பிறந்தோம்; அதற்கேற்ப உம்மை இகழ்தல் இன்றி, நீர், கழியும், கடலும், மரக்கலமும் நிலமுமாய்க் கலந்து நின்ற தன்மையைச் சொல்லும்