திருச்சிற்றம்பலம்

10. பொ-ரை: இறந்தும், பின்பு பிறந்தும், அதன் பின் வளர்ந்தும் சுழலுதல் நீங்காத மயக்கத் தொழிலாகிய இவைகளுக்கு அஞ்சி, நம்பியாரூரன், 'திருப்புறம்பயத்தை வணங்கி உய்வோம்' என்று நெஞ்சினாலே நினைத்து, ஆங்கிருக்கின்ற தன் தந்தையைத் தமிழ்ச் சீர்களால் பாடிய இப்பாடல்களைக் கரவில்லாது பாட வல்லவர்கள், அவைகளை நீக்கவல்ல வானுலகத்தை ஆள்வார்கள்.

கு-ரை: துயக்கு - கலக்கம்; அஃது அதனைச் செய்கின்ற சுழற்சியைக் குறித்தது. மயக்கமாவது, துன்பத்தை இன்பம் எனக் கருதுதல். வஞ்சித்தலாவது, இறத்தல் முதலியவற்றிற்கு அஞ்சாது, அஞ்சினார்போலக் காட்டுதல் மயக்கினை நீக்கவல்ல வானுலகு, சிவலோகம்.