கண்ணி - 53: பொங்கு அரவா - சீற்றம் மிக்க பாம்பினை அணிந்தவனே.

கண்ணி - 54: ஆற்றல் - தவ வலிமை. பதம் - திருவடி திருவருளைத் திருவடியாகக் கூறுதல் வழக்கு.

கண்ணி - 54, 55: தூய மலை - வெண்மலை; கயிலாயம், மயானம், ஊழிமுடிந்த இடம். நிலை நித்தியத்துவம்.

கண்ணி - 56: “நாற்றிசையும் எங்கும்” என்றது, ‘எந்தப் பக்கத்திலும், எந்த இடத்திலும்’ என்றபடி.

கண்ணி - 56, 57: ஏற்றுக் கொடி - இடபக் கொடி. இது சிவபெருமானுக்கு உரியது. பதாகை - கொடி. பொதுப்படக் கூறியதனால் உடன் வந்த மால், அயன், இந்திரன் மற்றும் முருகன் முதலியோரது கொடிகளைக் கொள்க. வடிவு - அழகு. தொங்கல் - மாலை. கடி - நறுமணம்.

கண்ணி - 58: பூ மாண் கருங் குழலார் - பூவை யணிந்த, மாட்சிமைப்பட்ட, கரிய கூந்தலையுடைய மகளிர் ‘புதிதாக உண்ண’ என ஆக்கம் வருவித்துரைக்க. உண்ணல் - கவர்தல். ‘புதிதாக’ என்றது இதுகாறும் இது நிகழாமையைக் குறித்தது. எனவே, ‘மகளிர் உள்ளங்கள் எளிதில் உண்ணப்படும்’ என்பது குறித்தாயிற்று. ‘வாம