கண்ணி - 136: சொல், திருக்குறள். சொல்லால் - சொல் சொல்லப்படுதலால். இயற்கை அழகு இருப்பினும் ஆடை அணிகலங்களாகிய செயற்கை யழகு இல்லாவிடில் மற்றை மகளிர் இகழ்ச்சி செய்வார்கள் என்று கருதி அவைகளை அணிந்தாள் என்க.

கண்ணி - 137: அல்குல் (கண்ணி - 64 உரை பார்க்க.)

கண்ணி - 137, 138: நல்கூர்தல், வறுமை எய்தல். அஃது இங்கே சிறுகுதலைக் குறித்தது. இடையே - மேலும், கீழும் உள்ள உறுப்புக்கள் செழித்திருக்க அவைகளுக்கு இடையே துவண்டு மெலிய. கண்டாள் - செய்தாள். என்றது, இயற்கையைச் செயற்கை போலக் கூறியது.

கண்ணி - 139: பரிசு அமைத்தாள் - தக்கபடி அமைத்தாள்.

கண்ணி - 140: பொன் அரி மாலை - பொன்னால் அரிப்புத் தொழில் அமையச் செய்த மாலை. இது பெரும் பான்மை மார்பில் தொங்கவிடுவது. சிறுபான்மை தலையிலும் சுற்றப்படும். கழுத்துக்கு மகிழ்ச்சியில்லையாயினும் அதனைப் பொலிவித்தலை மகிழ்வித்ததாகக் கூறினார். பொன் அன்னால் - இலக்குமி போன்றவள்.

கண்ணி - 141; வாங்கியது தோழியரிடமிருந்து. இமையவர்தம் அண்ணல் சிவபெருமான். ‘அவன்மேல் தான் முன்னமே இட்ட ஆசையால்’ என்க. இட்ட - வைத்த