| ஏன்றருக்கி மாதவஞ்செய் ஈங்கோயே, நீங்காத
மான்தரித்த கையான் மலை. | | 26 |
| 426. | கள்ள முதுமறவர் காட்டகத்து மாவேட்டை
கொள்ளென் றழைத்த குரல்கேட்டுத் - துள்ளி
இனக்கவலை பாய்ந்தோடும் ஈங்கோயே, நந்தம்
மனக்கவலை தீர்ப்பான் மலை. | | 27 |
| 427. | கல்லைப் புனம்மேய்ந்து கார்க்கொன்றைத் தார்போர்த்துக்
கொல்லை எழுந்த கொழும்புறவின் முல்லைஅங்கண்
பல்லரும்ப மொய்த்தீனும் ஈங்கோயே, மூவெயிலும்
கொல்லரும்பக் கோல்கோத்தான் குன்று. | | 28 |
| 428. | கல்லாக் குரங்கு பளிங்கிற் கனிகாட்ட
எல்லாக் குரங்கும் உடன்ஈண்டி - வல்லே |
அடக்கல். அதனை உட்பருகுதலாவது, தான் பூப்படைந்தமையை மனத்தில் எண்ணுதல். அன்னைக் குடி வரலாறு - தன் தாய், தாய்க்குத் தாய் இப்படிப் பெண்யானை கள் யாவும் கன்றுகளை ஈன்று இனத்தைப் பெருக்கி, வாளாதே இறந்தொழிந்த வரலாறு. (அதனை அறிந்த ஒரு பிடி யானை) அஞ்சி - அவ்வாறு தானும் துன்புற்று வாளா மாய்தற்கு அஞ்சி மாதவும் என்று அருக்கிச் செய் ஈங்கோய் - பெரிய தவத்தை மேற்கொண்டு உண்டி முதலியவைகளை மறுத்து நோற்கின்ற ஈங்கோய் மலை, அருக்குதல் மறுத்தல். 426. குறிப்புரை: கள்ள - வஞ்சனையையுடைய. அஃதாவது ஒளிந்திருந்து மாக்களைப் பிடிக்கின்ற. முது மறவர் - கிழ வேடர். மா வேட்டை - விலங்கு வேட்டை. கொள் என்று - பிடியுங்கள் என்று. இனம் - பல்வேறு வகையான, கவ் வலை - சிக்க யாக்கின்ற வலைகளைக் கடந்து. பாய்ந்து ஓடுவன மேற் கூறப்பட்ட மாக்கள். 'கல் வலை' என்பது இடைக் குறைந்து நின்றது. 427. குறிப்புரை: கல் - சிறு பாறைகள், 'அவற்றை உடைய புனம என்க. ஐ. சாரியை படர்தல், இங்கு மேய்தலாகச் சொல்லப்பட்டது. தார் - மாலை. அதனை, "போர்த்த" என்றது. 'நிரம்பத் தாங்கி' என்றபடி. புனம், கொல்லை, புறவு - யாவும் முல்லைநிலப் பெயர்கள் புறவின். முல்லை - முல்லை நிலத்துக்கே சிறப்பாக உரிய முல்லைக் கொடிகள். பல் அரும்பு, பற்கள் போன்ற அரும்புகள். "மொய்த்து" என்பதை, 'மொய்ப்ப' எனத் திரிக்க. கொல் அரும்ப - கொலைத் தொழில் தோன்றும் படி. கோல் - அம்பு, "மேய்ந்து, போர்த்து, ஈனும்" என்றது சில சொல் நயங்கள். 428. குறிப்புரை: பின், "எல்லாக் குரங்கும்" என வருதலின் முதற்கண், 'ஒரு கல்லாக் குரங்கு' என உரைக்க. கல்லாமை, யாதும்
|