449. குறிப்புரை: ஓகை செறி ஆயம் - உவகை மிகுந்த மகளிர் கூட்டம். இனவளை - கூட்டமாய் உள்ள புற்று. வினை வளையைச் செற்று - முன் செய்த வினை வந்து பற்றும் பொழுது அவற்றை அழித்து.

450. குறிப்புரை: நறவம் - தேன். ஏனம் - பன்றி. இனத்து வலை தைத்திருக்கும் - பலவாய வலைகளை அமைத் திருக்கின்ற (ஈங்கோய்). நங்கை - கங்கை. விரை - துவலை, மணம் பொருந்திய நீர்த்துளிகள். இரவு என்பது எதுகை நோக்கி இறவு எனத் திரிந்தது.

451. குறிப்புரை: நாகமுழை நுழைந்த நாகம் - மலைக் குகையில் நுழைந்த மலைப்பாம்பு. போய் - வெளியே புறப்பட்டுச் சென்று. நாகம் விழுங்க - குரங்கை விழுங்க. நாகம் மாக்கையால் மஞ்சு உரிஞ்சும் - யானை தனது பெரிய கையால் மேகத்தைத் தடவுகின்ற. இது சொற்பின்வருநிலையணி.

452. குறிப்புரை: நாகம் களிறு நுங்க - மலைப் பாம்பு யானையை விழுங்க. உழுவை - புலி தாமரையின் ஆகம் தழுவிட தாவிச் செல்லுகின்ற மானின் உடம்பைத் தழுவி. அசைவு எய்த - தங்கியிருக்க. மேகம் கருவிடைக் கண் நீர் சொரியும - சூல் கொண்ட மேகம் அச்சூலினின்றும் மழையைப் பொழிய. மழை