வெண்பா

கட்டளைக்கலித்துறை

திருச்சிற்றம்பலம்

483. குறிப்புரை: ‘வண்டு இனம் ஏறிப் பாடலம் அலம்பும்’ எனத் தொடங்கியுரைக்க. ‘பாடலம்’ என்பது நீட்டல் பெற்றது. பாடலம் - பாதிரி. சிவபெருமானுக்கு உரிய சில சிறந்த மலர் களுள் பாதிரியும் ஒன்றாகலால் அதனை விதந்து கூறினார், கோடாலம் - கொம்பு - பூங்கொம்புபோல்வாராய பெண்; என்றது தலைவியை இஃது உவம ஆகுபெயர் ‘பீர் தனம் ஏறிப் பொங்கி’ என மாற்றிக் கொள்க. பீர் - பசலை. தனம் - கொங்கை. பொங்கி - பொங்கப்பட்டு. அங்கம் - உடம்பு. “வேறாய்” என உடைமையின் தொழில் உடையாள் மேல் ஏற்றப்பட்டது. மனம் - மனத்தில் தோன்றும் எண்ணம் எண்ணம் வேறுபடுதலாவது, அன்னை, அத்தன் முதலாயினா ரை நீப்ப நினைத்தல். ஒழி துணிவுப் பொருண்மை விகுதி. மாது, ஓ அசைகள். இது தலைவியது வேறுபாடு கண்டு வினவிய செவிலிக்குத் தோழி அறத்தொடு நின்றது.

484. குறிப்புரை: கொம்பு ஆர் குளிர் மறைக்காடு - பூங்கொம்புகளில் நிறைந்த குளிர்ச்சியை யுடைய திருமறைக் காடு. நம்பன் - பழையோன்; ‘விரும்பப்படுபவன்’ என்றும் ஆம். அம்பு ஆய்ந்தவன் - அம்பை ஆராய்ந்து எடுத்து எய்தவன். வம்பு - புதுமை. நறு - மணம். “கொன்றைத் தார் உடையான்” என்பது, ‘சிவன்’ என்னும் ஒரு பெயராய், “அண்ணாமலை மேல்” என்பதற்கு முடிபாயிற்று. இதனுள், “மேல்” என்றது மேலிடத்துள்ள கோயிலை. “அண்ணா மலைமேல் அணிமலையை”¹ எனச் சேக்கிழாரும் கூறினார். அக்கோயில் இன்று நமக்குத் தரை மட்டத்தில் இருப்பதாகத் தெரிகின்றது.

திருவலஞ்சுழி மும்மணிக்கோவை முற்றிற்று

1. பெரிய புராணம் - அப்பர் - 313.