குறிப்புரை: (அடி-1) ஒன்று புரிந்து - வீடு பேற்றினை விரும்பி. (உயிர்கள் அடைய வேண்டும் என்று கொன்றை சூடினை என்க.) ‘கொன்றைப் பிரணவ வடிவினது ஆதலால், பிரணவத்தின் பொருள் தானே என்பதை உயிர்கள் உணர்ந்து வீட்டையவே அம்மாலையை அடையாள மாலையாகச் சிவன் சூடியுள்ளான்’ என்றபடி. (அடி-2) ஒன்றின் - ‘ஒரு காம்பிலே ஐந்து இதழ்’ என்க. ஈர் இதழ் - குளிர்ந்த இதழ் (அடி-5) இரு கோடு - இரண்டு முனை. (அடி-7) ‘மூவெயிலது அரண்’ என்க. முரண், நாற்றிசையிலும் செல்லும் முரண், முரண் - வலிமை. அரண் - பாதுகாவல். ‘முரணுடைய அரண்’ என்க. (அடி-8) ஆற்ற மிகவும், ஆற்றப் பயத்தல் - முற்ற விளக்குதல். முன் நெறி முதல் நெறி “முன்னெறியாகிய, முதல்வன் முக்கணன் தன்னெறி”¹ என அப்பரும் அருளிச் செய்தார். “முன்னெறி” என்பது ஓசை வகையில் ‘முந்நெறி’ என்பதனோடு ஒத்து, ‘மூன்று’ என்னும் எண்ணலங்காரமாய் நின்றது. இவ்வாறு மேலும் வருவனவற்றை அறிந்து கொள்க.

(அடி-9) இரண்டு - விருப்பு வெறுப்புக்கள் (அடி-10) ஒன்று, திருவருள். உறுதி - நல்ல துணை. (அடி-11, 12) ‘அந்நெறி ஒன்றையே மனத்துள் வைத்து’ என்க. இரண்டு நினைவு - ஐயம் (அடி-13) முன் நெறியால் அடையப்படும் உலகம் சிவ லோகம். ‘அந்நெறியில்’ என ஏழாவது விரிக்க (அடி-14) ஊழி - யுகம். ‘ஊழி நான்கு எனத் தோற்றினை’ (படைத்தனை) என்க. (அடி-15) சொல்லும் - சிறப்பித்துச் சொல்லப்படுகின்ற. அசைத்து - உறுப்புக்களில் கட்டி. அசைந்தனை - ஆடினை (அடி-16) மேல் முகம் உச்சி முகம், கபாலம் - தலை ஓடு. (அடி-17) ‘நூல் முகப் புரி’ என்க. தோளில் ஏந்திய அங்கத்தை மார்பில் ஏந்தியதாகக் கூறினார். (அடி-18) இருவர், அயனும், மாலும் அங்கம்

1. திருமுறை - 4.11.9