கட்டளைக் கலித்துறை

எண்ணுதலாலும் பொருந்துகின்றது எனவே,மேற்போக்கில் ஏனையோரும் சிவன்செய்தவற்றையே செய்வார் போலக்காணப்பட்டாலும், சிவன் தனக்குப் பற்றுயாதுமின்றி அருள் காரணமாக எல்லாவற்றையும்,பிறர் பொருட்டாகவே செய்து பெரியன் ஆதல்போலஆதல் பிறர்க்குக் கூடாது' என விளக்கியவாறு.

கலுழிக் கங்கை - (சடைக் காட்டின்இடையே பாய்தலால்) கான்யாற்றைப் போலும் கங்கை.'கங்கையிலே அரா (பாம்பு) போதும் (புகும்) சடை'என்க.

527. குறிப்புரை; "திரியும் புரம்மூன்று" என்பது முதலாகத் தொடங்கியுரைக்க,திரியும் புரம் - வானத்தில் உலாவும் கோட்டைகள்.இங்ஙனம் கூறியதனால் 'திரிபுரம்' என்பதுவினைத்தொகையாகவும் கொள்ளுதற்கு உரித்தாதல்அறியப்படும். "திரியும் புரம்" என்றேதிருமுறைகளில் பல இடங்களில் வருதல் காணலாம்.அறப் பாய் எரி - முற்றும் அழியும்படி பற்றும் தீ. உற- பொருந்தும்படி வான் வரை - சிறந்த மலை; மகாமேரு.இனி, 'உறுவான்' என வான் ஈற்று வினையெச்சமாகப்பாடம் ஓதலும் அம். 'வில்லாக' என ஆக்கம் வருவிக்க.ஆயிர வாய், மற, பாவரி அர - ஆயிர வாய்களையும்,கொடுமையையும், பரவியவரிகளையும் உடைய பாம்பு.செய்யு ளாதலின். 'அர' என்பதில் குறிற்கீழ்ஆகாரம் உகரம் செலாது குறுகிமட்டும் நின்றது. இடை -வில்லின் கண். வானவன் - தேவன். 'பிறப்பாகிய ஆழ்குழி' எனவும். 'அருளாகிய சிறப்பு' எனவும் உரைக்க.சிறப்புத் தருவதனைச் "சிறப்பு" எனஉபசரித்தார். சிறப்பாவது வீடாதலைச்"சிறப்பீனும் செல்வமும் ஈனும்","சிறப்பென்னும் செம்பொருள்" என்னும் திருக்குறள் களால்¹ அறிக. "அருளின்"என்பதில் இன், தவிர்வழி வந்த சாரியை.'சிறப்பைத் தருவதாகிய அருள் நிறைந் திருக் கை'என்றபடி. ஆழ் குழியில் வீழ்ந்தாரை எடுப்போர்கைதர வேண்டியிருத்தலை நினைக. கிற்றியே -வல்லையோ? 'என்னைப் பற்றியுள்ள மலங்கள் மிகவலியன் என்பார், 'வல்லையோ' என்றார்.

1. குறள் - 31, 358.