வெண்பா

கட்டளைக் கலித்துறை

சொல்லத்தான் ஏடுஎழுதுவோனாய் இருந்து எழுதிய அருளாளன் ஆதலாலும், ஆற்றலும் அருளும் ஒருங்குடையோர் தம்மையடைந்த எளியவர்க்கு இரங்கியருளல் இயல்பாதலும் யாம் ‘உமக்கு அருளுக’ என மிகவும் வேண்ட வேண்டுவதில்லை. அவனேயருளுவன் என்பதாம். வலைஞர் தலைவன் மகளுக்கு மகன் வியாத முனிவன்; அவன் மொழி மகாபாரதம். ‘மகா பாரதத்தை வியாத முனிவன் சொல்ல, விநாயகப் பெருமான் சிவபெருமானது ஆணையின் வண்ணம் தாம் முன்பே ஒடித்து வைத்திருந்த தந்தத்தை எழுத்தாணியாகவும், மகாமேரு மலையை ஏடாகவும் கொண்டு எழுதினார் என்பது இவ்விதிகாச வரலாறு.

794. குறிப்புரை: மறைமொழியின் முதல், பிரணவம். விநாயகர் பிரணவ வடிவாய் உள்ளவர். ‘அவர் தோன்றியதே பிரணவத்திலிருந்து’ என்பது வரலாறு.¹ ‘மறை மொழியின் முதலே’ என மாற்றியுரைக்க. முந் நயனம் - மூன்று கண். ஏறு - ஆண் சிங்கம். கழிய வரு பொருள் - பாசங்கள் யாவும் நீங்கிய பின் கிடைக்கும் பொருள்; முதற் கடவுள். கண்ணே - எங்களுக்குக் கண்போல இருந்து எல்லாவற்றையும் அறிவிப்பவனே. செழியகலாலயனே - பொருள் நிறைந்த கலைகளுக்கெல்லாம் இருப்பிடமாய் உள்ளவனே.

795. குறிப்புரை: அன்பு தவச் சுற்றம் - அன்பை மிகுதி யாக உடைய சுற்றம்; அது தேவர் குழாம். ‘அசுரர்கள் அன்பில்லாதவர்கள்’ என்பது கருத்து. சுற்றத்து - சுற்றத்தால்; சுற்றம் காரணமாக. ‘எரிய மாட்டுகின்றான்’ என இயையும். ‘மாட்டுகின்றான்’ என்றது இறந்த காலத்தில் நிகழ்காலம். எனவே, ‘அன்று மாட்டுகின்றான்’ என்றபடி. மாட்டுகின்றான் - எரிகின்றான். வன்பு தவத்து - வலிமை

1. காஞ்சிப் புராணம் - வலம்புரி விநாயகப் படலம்.