101. அ. சொ. பொ.: மிக்க எரி - அளவில் மிகுந்த தீ. எரியின் முழக்கம் ‘தமதம’ என்பது. வீங்கிய பொங்கு இருள் - பெருகிய, மிகுந்த இருள். ஒக்க உடன் இருத்தல் - சமமாக ஒருங்கிருத்தல், “ஒவ்வாதே” என்றதற்கு, மேல், “போலாதே” என்றதற்கு¹ உரைத்தவாறு உரைக்க. செக்கர் - செவ்வானம். ஆகம் - உடம்பு. பண்பு - நிறம், ‘பண்பினால்’ என்னும் மூன்றனுருபு தொகுத்தலாயிற்று. ‘சடையும், குழலும் பண்பினால் எரியும், இருளும் உடன் இருந்தால் ஒக்கும்’ என்க. ஓருடம்பு இருவராய கோலத்தைப் புகழந்தவாறு

102. அ. சொ. பொ.: “கண்புணரும்” என்பது முதலாகத் தொடங்கி யுரைக்க. “மேல்” என்பதை, மேலே, “பண்பு” என்பதனோடு இயைத்து, மேல் பண்பு - மேலே உள்ள தன்மை’ என உரைக்க. பணி - சொல்லியருள். “பணி” என்னும் ஏவல் முற்றினைப் பார்த்துக் காண்’ என்றது ஒரு நாட்டு வழக்கு. ஏவல் முற்றுக்கள் அந்த வழக்கில் இவ்வாறு வரும் என்க. இதில் கூறப்பட்ட பொருளின் விளக்கத்தை, மேல், “ஒருபால் உலகளந்த” என்னும் வெண்பாக்² குறிப்பிற் காண்க. ‘நீறணிவ தாகிய நின்னுருவம் எவ்வுருவோ’ என்க. ‘இரண்டு உருவத் திலும் நீறு காணப்படுதலால், உன் உருவம் அறியப்பட வில்லை’ என்பது கருத்து.

103. அ. சொ. பொ.: “மாலாய” என்பது முதலாகத் தொடங்கி யுரைக்க. மால் - மத மயக்கம். மா - காட்டு விலங்கு ‘கையையுடைய மாவாகிய களிறு’ என்க. கார் உரிவை - கரிய தோல். அன்று - 

1. வெண்பா - 38.

2. வெண்பா - 41