| வார்ந்துங் குறைத்தும் மதநாய்க் கீந்தும்
செக்குரல் பெய்தும் தீநீர் வாக்கியும்
புழுக்குடை அழுவத் தழுக்கியல் சேற்றுப்
பன்னெடுங் காலம் அழுத்தி இன்னா | | 25 | வரையில் தண்டத்து மாறாக் கடுந்துயர் நிரயஞ் சேரினுஞ் சேர்க உரையிடை
ஏனோர் என்னை ஆனாது விரும்பி
நல்லன் எனினும் என்க அவரே
அல்லன் எனினும் என்க நில்லாத் | | 30 | திருவொடு திளைத்துப் பெருவளஞ் சிதையாது இன்பத் தழுந்தினும் அழுந்துக அல்லாத்
துன்பந் துதையினும் துதைக முன்பின்
இளைமையொடு பழகிக் கழிமூப்புக் குறுகாது
என்றும் இருக்கினும் இருக்கவன்றி | | 35 | இன்றே இறக்கினும் இறக்க வொன்றினும் வேண்டலும் இலனே வெறுத்தலும் இலனே
ஆண்டகைக் குரிசில்நின் அடியரொடு குழுமித்
தெய்வக் கூத்தும்நின் செய்ய பாதமும்
அடையவும் அணுகவும் பெற்ற | | 40 | கிடையாச் செல்வங் கிடைத்த லானே. | | 36 |
பார்வை. “அதுவே” என்னும் பிரிநிலை ஏகாரம்அதன் சிறப்புணர்த்தி நின்றது கதுமென - விரைவாக. தெறுசொலாளர்- கடுஞ்சொற்களை யுடைய கால தூதுவர். உறுசினம் - மிக்க கோபம் திருகி - முறுகப் பெற்று. குற்றம் - மண்ணுலகில் செய்த குற்றங்கள். கொளீஇ - கொளுவி; எடுத்தெடுத்துக்கூறி. மத நாய் - வெறி நாய். தீ நீர் - உலோகங்களைஉருக்கிய நீர். அழுவம் - பள்ளம்; குழி “இன்னா” என்பதன்பின்‘செய்யும்’ என ஒருசொல் வருவிக்க. வரை இல் - எல்லையில்லாத. “உரையிடை” என்பதை, “விரும்பி” என்பதன் பின்னர்க் கூட்டுக. திரு - இவ்வுலகச் செல்வம். முன்பு - வலிமை. முன்பின் - வலிமையை உடைய. பழகுதல் -பலநாள் வாழ்தல். கழி மூப்பு - இளமை. கழிய வரும் மூப்பு - ஆண் தகைக் குரிசில் - ஆளும் தகைமையை உடைய தலைவன்.‘குரிசிலாகிய - நினக்கு அடியராயினாரோடும் குழுமி’என்க. அடைதல் - அடைக்கலமாய் புகுதல். அணுகுதல் -அகலாதிருத்தல். ‘ஒரு பெருங் கடவுளே! எனக்கு மிகப்பெரிய இன்பங்கள் வரினும் வருக; மிகப்பெரிய துன்பங்கள்வரினும் வருக. எந்த ஒன்றிலும் விருப்போ, வெறுப்போ
|