எங்கேனும் போய்விட ஒரு பெண் பேய் தனித்து நின்று அலறுதலும் உண்டு என்க. அங்கம் - திருமேனி. அனல் ஆடுதல் - சுற்றிலும் நெருப்பு எரிய நடுவே நின்று ஆடுதல். ‘இவ்வாறு ஆடுபவன் அங்கம் குளிர்ந்திருத்தல் வியபபு’ என்றபடி.

3. அ. சொ. பொ.: கள்ளிக் கவடு - கள்ளி மரத்தின் கிளைகள். கடைக் கொள்ளி - எரிந்து முடிந்த கொள்ளிக் கட்டை. வாங்குதல் - எடுத்தல். மசித்தல் - மசிய அரைத்தல். ‘பேய்கள் கண்ணில் எழுதுகின்ற னம கரியே ‘என்றபடி. எனவே, ‘இவ்வாறு செய்வனவும் பெண் பேய்களே’ என்பது விளங்கும். விள்ள - கண்ணினின்று வேறு தோன்ற. ‘வெடு வெடு’ என்பது சினக் குறிப்பு. எனவே, நகுதல் கோபச் சிரிப்பாயிற்று. (வெருளுதல், தம்மை வெருட்டும் பேய்கள் கடுந் தெய்வங்கள் முதலியனவற்றை நினைத்து.) ‘விலங்காக’ என ஆக்கம் வருவிக்க. விலங்காகப் பார்த்தல், நேரே பாராமல் வலமாகவும், இடமாகவும் திரும்பித் திரும்பிப் பார்த்தல். ‘பிணஞ்சுடு தீச் சுட்டிட’ என்றபடி. சுளித்தல் - கோபித்தல். பூழ்தி - புழுதி. இது ‘பூமி’ என்றும் வரும். அவித்தல், தன்னைச் சுட்ட தீயை.

4. அ. சொ. பொ.: வாகை - காட்டு வாகை மரம். விரிந்து (விரிய) - தழைத்திருக்க. நெற்று வெண்மையாயது காய்ந்து போனமையால். மயங்கு இருள் - மாலைக் காலத்தில். பகலோடு வந்து பொருந்திய இருள். அது பின் மிகுதலின், “கூர்” என்றார். நடு