972. குறிப்புரை: "பொலி நுதலாய்" என வந்தமையால் இப்பாட்டினைத் தலைவன் தலைவிக்குப் பதி பரிசு உரைத்த தாகவே கொள்க. பொலி - விளங்குகின்ற. பணை - வயல்கள். வயல்களில் பாசியும், நீர்ச் சேம்பும் அடர்ந்திருத்தல் வானத்தில் கருமுகில் படிந்தது போலக் காணப்படுகின்றது. கரா ஒருத்தல் - ஆண் முதலை. பொருதல் - தாக்குதல். 'பொருவதாக, அதனைப் பார்' என்க. 'கச்சியின்கண்' என்னும் ஏழாவது இறுதிக்கண் தொக்கது.

973. குறிப்புரை: "மகிழ் திரு ஏகம்பர் தேவி மகிழ" என்பதை முதலிற் கொள்க. 'ஏகம்பர் மலைமகளுக்கு அருள் புரிந்தது, - அவள் தம் தேவி - என்னும் அன்பு பற்றி' என்றற்கு, "தேவி மகிழ" என்றார். "மலைமகள்கண்" என்பதில் கண், ஏழனுருபு. ஆர - பொருந்த. 'வைத்தார்' என்பது எதுகை நோக்கி, "வைச்சார்" என மருவிற்று. 'விண்ணோரும், விச்சா தாரும் தொழுகின்ற அவள் விமானமும்' என்க. பரப்பு - நிலப் பரப்பு. ஆங்கு - அப்பரப்பின்மேல் மாடங்கள் - மேல் மாடங்கள். இதனால் கச்சிக் காமக் கோட்டத்தது சிறப்பு உணர்த்தப்பட்டது.

974. குறிப்புரை: ஊரகம் - உலகளந்த பெருமாள் கோயில். பாடகம் - பாண்டவ தூதப் பெருமான் கோயில், இவை கச்சியில் உள்ளவை. தெவ் - பகை; பகைவர்; அசுரர். இரிய - தோற்று ஓட கன்னி - துற்கை. மற்று அசை அவர் - மேலெல்லாம் சொல்லி வருகின்ற கம்பர். வான் கவிகள் - தெய்வப் புலவர்கள். தாங்கிய நாடு - உயர்ந்துக் கூறிய உலகம் அது சத்தி தத்துவ புவனம். அதில் இருந்தவள் சத்தி. "அரி" என்பதை "ஓங்கின" என்பதனோடும் கூட்டுக. 'அரி ஓங்கின (நின்ற கோலமாய் உள்ள) ஊரகம் (அவர்